برجعتنا من البحرين مرينا الخبر وبالطريج وقفنا عند ستاربكس الكورنيش
لقيت عندهم اشياء ما يقدمونها عندنا مثل السينامون والفروت كيك وبعض انواع الساندويتش
وفي انواع كانوا يقدمونها ووقفوها مثل تارت الفراولة و الجوكليت كرواسون
استخدموا اكواب اللوقو اليديد للمشروبات الساخنه قبلنا بس المشروبات الباردة ليلحين على اللوقو القديم
جربت كيكة الفاكهه حدها عجيبة وايد فريش لذيذة وترفه 
متوفرين حالياً بألوان متعدده في جالاري لا بلانش وباجر اليوم الاخير وبيكون فيه تشكيله اكبر والوان اكثر
الجناط من تصميم المغربية نور أتاسي
وهالجنطة اللي هابين فيها هالايام بس حسافه مخلصين ماكو الا هاللون 
Shahtoosh & Pashtoosh
الوان عجيبة شالات على احرف عربية وايد حبيتهم يشوقون
Tel : 97478181
Ratkirani ماركة
ملابس ودراريع رمضانية من تصميم هبه المسلم
Tel : 97478181
Gallery La Blanche غداً الاربعاء فقط في
10:30 – 1:00
5:30 – 9:00
Mishref Block 4 Street 2 House 6
مطعم المسيلة في البحرين من المطاعم الشعبيه القديمة جداً
الوالد الله يحفظه متعود يزوره للثلاث وجبات الرئيسية بكل روحه للبحرين واحنا بعد نتشهى بيض الطماط اللي يسويه حده عجيب ومافيه زفر
المهم هالبوست من ابوي لعشاق زيارة البحرين خصوصاً الشباب اقصد الرياييل عموماً 🙂 ينصحهم بزيارة هالمطعم الشعبي اللذيذ وهالصور من تصوير الوالد بعد 
هذا المطبخ من بعيد 
ابوي كان رايح متأخر بس الصبح يكون المكان حده زحمه من اجانب وبحرينيين يتريقون قبل الدوامات
وهذا حسين ياخذ الطلبات ويزهب الشغل العدل
ووصل الجاي حليب الزين 
وبيض الطماط والخبز الايراني الحار من الفرن لي الطاولة سييييدة 
يقدمون كل ما يطري على بالكم وشغلهم كله فريش من باجيلا وجبده وانواع وايد من البيض والاجبان والزبدة وبلاليط ومرقة عدس وغيرها من الاكلات الناطعه
وهذا ناصر اللي يسوى الخباز اللي بالمطعم .. مشاء الله خبزه خفيف وعجيب 
وهذا ولد صاحب المطعم السيد احمد حجي 
بقولكم شي بس لا تضحكون لوول وحده من خواتي ما سافرت معانا وكان خاطرها بالبيض فبدون لا يدرون خشيت لها قوطي بيض طماط (يحطونه بقوطي مثل مال الباجيلا والنخي للتيك اوي) تصدقون من الصبح لي الساعه 9 بالليل شزينه اول مابطلناه توقعت بيطلع زفره لكن شحلاته استانست اخيتي اني ذكرتها وقدرت تستمتع فيه 🙂
مطعم المسيلة صوب بوابة البحرين في المنامة في الممر بين مسجد خنجي وفندق لؤلؤة الخليج
الحلوى يعني البحرين والبحرين يعني الحلوى 🙂
ويا زين البحرين ويا زين حلوتها ويا زين اهلها ويا زين شوارعها امممم جني تغزلت وايد بالبحرين ؟ ياربي لا تلوموني احبها وايد احبها
بقولكم سر تدرون تدمع عيني لي سمعت اغنية الجميري (حلفت يالزينة مافارق البحرين في قلبي مزروعه ومحفوظة وسط الحين اشتاق اشم العود واوله على الطيبين والحنه لي خطوه وساود على الكفين بارد ويا الصيف ولا الشتا لي رد ولا مع الاشواق وقت الربيع والورد) اخييييه والله حبج يالبحرين غير .. على فكره مافيني عرج بحريني العرج من ديرة بو متعب واكيد ما اتخير عن البحرين 🙂
كل هالتعبير صار علشان بتكلم عن الحلوى ومحل خلود شويطر 🙂
الله يسلمكم محلات حلوى شويطر وايد مشاء الله حسين وخلود وجمال وغيرهم لكن ابوي متعود يشتري من محل خلود شويطر لأنه قريب من المولات وشغله فريش وجدامه باركينج للسياره وشغل عدل
ضيفونا ب 3 انواع من الحلوى البحرينية الناطعه (العادية – الممتازة – الملكية) وكلهم شغل عدل
والقهوه اللي تعدل الراس
الحلوى الملكية كشخه تيي بعلبة ذربه
وعندهم ميني حلوى بعد مرتب
وقاموا يتفنتقون بالحلوى وهذي طريقة تقديم ثانية
سمسمية وسمبوسة وغيرها
سمبوسة المكسرات حدها ناطعه وبنوعين مقلي ومشوي
بسكوت انواع واشكال
مخلل ومعابيج واجبان
عندهم انواع وايد من البهارات
المتــاي .. يم يم
وهذا ايوب يحليله يزهب صوغة الاهل من الحلوى والمتاي 😀 
حلويات خلود الشويطر .. الحوره – المنامة – المحرق
Tel : 17228794 – 17341001
تقيم مدونة عتيجة مسابقة لأصحاب المشاريع الصغيره والجائزة عباره عن مساحه اعلانيه لمدة شهر اضافه لجائزة مفاجأة
اذا كنت من اصحاب المشاريع الصغيرة وتريد المشاركة اضغط هنـا لتفاصيل اكثر
Reserve “The Chocolateness Booth” by calling 22960606
Site (Link) FB (Link) Twitter (@ChocolatenessKW)