مطعم المسيلة في البحرين من المطاعم الشعبيه القديمة جداً
الوالد الله يحفظه متعود يزوره للثلاث وجبات الرئيسية بكل روحه للبحرين واحنا بعد نتشهى بيض الطماط اللي يسويه حده عجيب ومافيه زفر
المهم هالبوست من ابوي لعشاق زيارة البحرين خصوصاً الشباب اقصد الرياييل عموماً 🙂 ينصحهم بزيارة هالمطعم الشعبي اللذيذ وهالصور من تصوير الوالد بعد 
هذا المطبخ من بعيد 
ابوي كان رايح متأخر بس الصبح يكون المكان حده زحمه من اجانب وبحرينيين يتريقون قبل الدوامات
وهذا حسين ياخذ الطلبات ويزهب الشغل العدل
ووصل الجاي حليب الزين 
وبيض الطماط والخبز الايراني الحار من الفرن لي الطاولة سييييدة 
يقدمون كل ما يطري على بالكم وشغلهم كله فريش من باجيلا وجبده وانواع وايد من البيض والاجبان والزبدة وبلاليط ومرقة عدس وغيرها من الاكلات الناطعه
وهذا ناصر اللي يسوى الخباز اللي بالمطعم .. مشاء الله خبزه خفيف وعجيب 
وهذا ولد صاحب المطعم السيد احمد حجي 
بقولكم شي بس لا تضحكون لوول وحده من خواتي ما سافرت معانا وكان خاطرها بالبيض فبدون لا يدرون خشيت لها قوطي بيض طماط (يحطونه بقوطي مثل مال الباجيلا والنخي للتيك اوي) تصدقون من الصبح لي الساعه 9 بالليل شزينه اول مابطلناه توقعت بيطلع زفره لكن شحلاته استانست اخيتي اني ذكرتها وقدرت تستمتع فيه 🙂
مطعم المسيلة صوب بوابة البحرين في المنامة في الممر بين مسجد خنجي وفندق لؤلؤة الخليج
مرة زرت البحرين و صاحبي البحريني ريقني بهالمطعم
القيمر و الجبن مالهم عجيب و على فكرة الالبان من انتاج مزرعة اصحاب المطعم و شغلهم فرشششش
بالعافية اي الوالد وايد وايد يمدح اكلهم
يحليلج عليكم بالعافية شوقتيني لازم نجربه
الله يعافيج حبوبة
عليكم بالعافية امبين شغلة لذيذ خاصة الخبزة الايرانية وبيضة
للا بساالج ولا مرة كليتي مشاوي البحرينية عجيبة وخاصة كلشي نتفة من كباب وتكة وريش
يس شنو لذيذ يذوب الجلج شي ناطع واذكر مكانة وين شارع المعارض بداعوس بس ماشالله مزحوووم
الله يعافيج حبيبتي
لا والله ماجربتها شوقتيني
عليكم بالعافيه
اي خوش مطعم و قديم حده داخل المطعم اذكر كان في مثل برواز
و فيه صوره من لقاء كان مع مجله او جريده بتاريخ قديم جدا
ياحلو البحرين و ياحلو اهلها والله شوقتيني ودي اروح
الله يعافيك .. مادخلت المطعم 🙁
اذا رحت ان شاء الله لازم تجرب بيض الطماط
Comments are closed.