محل يديد انضم مؤخرا لمحلات ذا مول بالافنيوز خاص بالاكسسوارات والميك اب
Icing
تحصلونه بجانب كافيه دلمه
طريقته ذكرتني بمحلات كليرز لانه يجمع بين الاكسسوارات والفناتق والاحذيه والنظارات ومستلزمات الشعر وكفرات الموبايل اضافه الى الميك اب
صور من المحل
خووش بنك حنوووون الله يهنيهم 😀
من فترة خاطري اغير لون شعري مليت من لونه الطبيعي (بني غامج) قبل فترة سمعت وايد ناس مدحولي وحده ورحت عندها وانلطعت ٨ ساعات تحوس بكشتي واخر شي تخيلوا نفس لون شعري بس زادته خصل زيتيه خفيفه تلوع الجبد وب٨٠ دك تصدقون ليلحين محتره ههههه بس مو على الفلوس على وقتي اللي ضيعته عندها وكشتي اللي لعبت فيها
المهم بما انه عندي مناسبه قريبه بإذن الله قلت اغير لون الكشه ههههه وسألت الفولورز عندي بانستغرام وماقصروا حبايبي مدحولي صالونات وايد شي دقيت عليهم فل وشي اللي مادحينها مسافره والله كتب انه تكون صبغتي عند صالون تربل في السرة عند مدام هيام
طلعت من الدوام ومريتها بال٢ يحليلها نفسها حلوة وتسولف راويتها صوره لصبغة عاجبتني وبعدها شافت شعري چان تقول هاللون حاليا بالحلم 🙁 ليش يا مدام هيام ليش تكسرين بخاطري لكن احترمت فيها صدقها من اول شي قالت لي ماراح يطلع اللون اللي تبينه لانه شعرج وايد غامج وتعبان واذا تبين هاللون لازم نسحب اللون وهالشي يتعب الشعر وماراح اسويه !
قلتلها انزين شتقدرين تسوين ؟ طلعت لي الوان الاصباغ وقالت اقدر اسويلج البيس بني افتح من لون شعرج الطبيعي طبعا والخصلات عسليه قلت لها توكلي على الله
قصت لي شعري وصبغته وسنعته بساعتين وشوي
والنتيجه تقريبا نفس اللون اللي بالصوره فوق (الصوره من اكاونت الصالون) وايد حبيت النتيجه الحمدلله
شكرا مدام هيام تسلم ايدج واشكر الاخت لولوة صاحبة الصالون
صالون تربل في السره، قطعه ٦ ش١١ مجمع مبارك الدور الاول
تلفون : ٢٥٣٤٦٤٨٨
Instagram @triple_salon
ستاربكس منزلين مشروب صيفي عباره عن بيريز الليمون مع النعناع
صج بارد بس لسعة الحموضة وايد انا ماحبيته
جربتوه ؟
من فتره افتتحوا مجمع يديد في العقيله اسمه
The Gate Mall
ماسمحت الظروف اروح له اول الايام لكن امس كان عندي شغل قريب من العقيله وقلت امر اشوف المكان ونتمشى فيه
من برا تصميمه غريب ومسكر وايد ماحبيته وايد لكن من داخل ماشاء الله حلو وتصميمه جميل والعيب الوحيد كان عدم وجود ممرات يعني الواحد اذا يبي محل من الصوب الثاني لازم يدور المجمع كله !!!
المجمع يتكون من ٥ ادوار ومحلات كثيره منها دبنهامز، الاسطوره ولايم لايت، ماك، سيفورا، شوارفسكي، الطرف الاغر، بيت الصابون اللبناني، نو، دير اند دير، ريڤا، ايفانز، لوكسيتان، نظارات حسن، زارا هوم، ميك اب فور ايفر، بايلس، مانجو، ايتام، مذركير، بودي شوب، فلورمار، الجزيره للعطور، جس، ميسوني، بيمبا لولا، برومود، عبدالصمد القرشي، ومن سيكرت، العربيه للعود وغيرهم اكثر
اضافه لوجود الكثيره من المطاعم والمقاهي مثل ستاربكس، بينك بيري، كافي ميم، كاشونة البيت، ماما روتي، كافيه بزه، بول، وغيرهم
The Gate Mall – العقيلة – بجانب مجمع البيرق
فيلم وثائقي عن الكويت سيتم عرضه في رحلات الخطوط الجويه البريطانيه ابتداءاً من شهر اغسطس المقبل