Solo Pizza Napulitana سمعت وايد عن مطعم
اللي شجعني اروح له مو بس البيتزا وطعمها لكن قالولي انه الستاف كله شباب كويتيين الشيف والويترز وهذي اول مره تصير بمطعم بالكويت كل الستاف عماله وطنية 🙂
تواعدت مع رفيجتي انه مانتغدى ونروح الساعه 6 اول مايفتح علشان ناخذ راحتنا ومايكون المكان زحمه
وصلت بال 6 وربع وكان المطعم فيه بس طاولتين فاضيين !!
اخترنا طاولة بالزاوية وطلعت كاميرتي اجكجك 🙂
L’Associazione Verace Pizza Napoletana الشيف عمر الرفاعي حاصل على شهادة من
الاصليه Napolitana وهالشهادة تعطيه الاذن بخبز بيتزا
عندهم اربع انواع من البيتزا والنوع الخامس يكون سبيشل يتغير بين فترة وفتره 
المكان صغير وايد بس مريح والاضاءة بعد نوعاً ما خافته والموسيقى الايطاليا مخليه الاجواء فعلاً رائعه
قدم لنا الويترز الكويتي المنيوو كان صغير مجرد 4 انواع بيتزا و 3 انواع سلطة ونوع واحد سويت اضافه الى المشروبات الغازية
الساعه 6 ونص بالضبط كان المكان فل مشاء الله والناس بدت تحط اساميها وتنتظر بره
عرفت بنفسي للشيف عمر اللي رحب فيني ماقصر وخلاني آخذ الصور على راحتي
مشاء الله عليه رجل متمكن من مهنته واهو الوحيد اللي يخبز البيتزا للزباين الله يعطيه الصحه والعافية ويبارك له في شغله
الفرن يشبه افران مطاعم البيتزا في ايطاليا وطلع فعلاً انه هالفرن مستورد من ايطاليا علشان تكتمل نكهة البيتزا الايطالية اللذيذة
لما دخلت يم الفرن علشان اصور لفحني الحرررر فقلت لعمر عسى الله يعينك مجابل هالفرن 5 ساعات قام يضحك يقول متعود 😀
يضبط مقادير البيتزا السبيشال للويتر
من الاشياء الحلوة اللي لاحظتها وجود شخصين اجانب كانوا جداً مستانسين وقبل لا يطلعون سلموا على الشيف وقالولة اكيد بنرجع للمطعم مره ثانيه 😀 
Della Casa بدينا مع هالسلطة اللذيذة واسمها
Mix Greens, parmesan and cherry tomatoes with balsamic vinegar dressing
خدمتهم سريعه مشاء الله .. البيتزا وصلت بسرعه
طلبناها مارجريتا وزدنا عليها مشروم
بيتزا اصليه مو مقطعه مثلثات مثل اغلب مطاعم البيتزا بالكويت 
الفلفل من الاشياء المهمه اللي احبها في قطعة البيتزا الخاصة فيني تعطيها نكهه الذ يم يم
العجينه رقيقه وترفه وخفيفة حيل وايد حبيتها والموزريلا ساييييييييحه وتتمغط تقول اكلوووني بصراحه الذ بيتزا ذقتها بالكويت 
بعد الاستمتاع بالبيتزا شلون نطلع بدون ما نجرب سويت النوتيلا
Nutella Dario اسمه
ناااااطع نصيحه لازم تجربون 
العجينه حاااره وداخلها الككاو سايح .. اجراااام بس حلو يم يم 
الفاتوره كانت جداً معقولة ماتوقعت هالسعر .. عسى الله يبارك لكم ونشوف لكم افرع لمطعمكم بكل الكويت 🙂
كل الشكر للاخ عمر الرفاعي على هالمكان الحلو والاكل اللذيذ اللي استمتعنا فيه والستاف مشاء الله عليكم نشيطين ونفتخر بوجود مطعم بيتزا ايطاليه بروح كويتية خالصة كل التوفيق لكم يارب
Solo Pizza Napulitana is located in Kuwait City, Sharq, Behind Omar Ben Alkhattab St
Opening Hours : 6:00 pm -11:00 pm
Tel:94434104
Site Link FB Link
