تهنئة بوب كورنوبوليس بالشهر الفضيل كانت غير شلوون ؟
علبه انيقة تحتوي على 8 قطع فراولة جامبو مغطاه بأنواع لذيذة من الجوكليت والاوريو وجوز الهند والكراميل
احد يقدر يصد عن هالشي المغري ؟ ترى الطعم الذ من الشكل .. الفراولة فرررريش والجوكليت خيال
قمة المتعه بصراحه حدها عجيبة ولازم تجربونها
مشكورين بوبكورنوبوليس استمتعنا جداً بكل قضمه
Tel : 22230111
Twitter & Instagram @popcornopoliskw
يقدم مطعم لينوتر (البحر) بوفيه افطار/غبقة/سحور يومياً وبمبلغ 11 للشخص
السنة اللي طافت كانت تقريباً نفس الطريقة فاللي ما لحق يروح ويجرب اكلهم برمضان عنده فرصه هالرمضان 🙂
البوفيه يحتوي على الشوربات والسلطة
الحمص كان شي عجيب
لهانه رفيجتي استانست عليها
مجموعه متنوعه من السلطات
الرطب والاجار والمعبوج كانوا حاضرين على كل طاولة
مشروبات رمضانية مثل القمردين والجلاب واللبن
اول شي تم تقديم السمبوسة بالجبن والكبه والجريش .. احب سمبوستهم لذيذة
وبعدها وصلت الاطباق الرئيسية وهي معكرونية الفوسيلي بصلصة البستو وبرياني الغنم ودجاج سويت مع العيش الابيض
ومثل السنه اللي طافت هديت كل الاطباق وجابلت الدجاج السويت حده حده عجيب
ووصلنا للحلويات وكانت كريم بروليه راحة الحلقوم, بروفيت رول, ايس كريم الرهش وسلطة الفاكهه
كل شي كان لذيذ وطيب كالعاده
على الدعوة الحلوة MMC Group شكراً لينوتر و
وانصحكم بتجربة اكلهم وبالعافية مقدماً
امس لما كنت احوس بالمطبخ اسوي للوالد الله يحفظه قمر الدين لأول مره دخلت علي ديبا وبيدها ذيج النقصه السنعه اللي تشوق
صينية حمرا وفيها مواعين بنفس اللون ودوه مع قوري ودار مدارها جاكليت وحلاو وملفلفة بالتور
هالنقصه الزينه من منووو لما شفت الكرت ولا من الفوز كيتشن 😀
ام سعود ياحلوها كلها ذوق خوش شغل والله
واحلى شي لما الواحد يستكشف اللي داخل النقصة يم يم 7 مواعين فيهم هالحلويات الكويتية الزينة
غريبة – سمبوسة حلوة – رنجينه – بيض القطا – سمسمية – فواكهه مجففة وحلو الشعرية
ما اشوف الا دخلت علي سوما بصينية ثانية 😀
يا فرحتي لما شفت انه فيها الالبــــه بعد عمري يدرون احبه ودزولي طاسه شكبرها
عشق عشق انا وهالحلو
البه ومحلبية ولقيمات
ريحتها خنينه والطعم عجيب استمتعت فيهاااا يم يم يم
مشكورين يالفوز كيتشن ويا ام سعود ماقصرتوا اكرمكم الله وعساكم تعودونه ياربي
For Order : 99520589 – 90977787 – 97533022
Instagram @alfouzkitchen
دعايات جميلة لرمضان 2012 لشركة زين للاتصالات تهدف من خلالها الى زيادة الوعي بكثير من الظواهر السلبيه بالمجتمع
القيادة فن و ذوق – (إبراهيم الصلال) 2/4– إعلان يهدف الى رفع الوعي العام و مخاطبة الظواهر الاجتماعية الغير مرغوب فيها
المحافظة على النظافة – (مرام)
إحترام الطابور (سليمان المرزوق)