امس لما كنت احوس بالمطبخ اسوي للوالد الله يحفظه قمر الدين لأول مره دخلت علي ديبا وبيدها ذيج النقصه السنعه اللي تشوق
صينية حمرا وفيها مواعين بنفس اللون ودوه مع قوري ودار مدارها جاكليت وحلاو وملفلفة بالتور
هالنقصه الزينه من منووو لما شفت الكرت ولا من الفوز كيتشن 😀
ام سعود ياحلوها كلها ذوق خوش شغل والله
واحلى شي لما الواحد يستكشف اللي داخل النقصة يم يم 7 مواعين فيهم هالحلويات الكويتية الزينة
غريبة – سمبوسة حلوة – رنجينه – بيض القطا – سمسمية – فواكهه مجففة وحلو الشعرية
ما اشوف الا دخلت علي سوما بصينية ثانية 😀
يا فرحتي لما شفت انه فيها الالبــــه بعد عمري يدرون احبه ودزولي طاسه شكبرها
عشق عشق انا وهالحلو
البه ومحلبية ولقيمات
ريحتها خنينه والطعم عجيب استمتعت فيهاااا يم يم يم
مشكورين يالفوز كيتشن ويا ام سعود ماقصرتوا اكرمكم الله وعساكم تعودونه ياربي
For Order : 99520589 – 90977787 – 97533022
Instagram @alfouzkitchen
بنت حلال
توني ادور مكان يبيع البه
اخيه مشتهيتها من اول رمضان
عليج بالعافيه
الله يعافيج وانتي بعد بالعافية يالغاليه
ما شاء الله
ممكن تقوليلنا الاسعار وبعد يوصلون ؟
الله يعطيج العافيه
الله يعافيج
اي يوصلون ورقمهم موجود اما الاسعار ماعرفها والله تقدرين تستفسرين منهم 🙂
Comments are closed.