هالسنه يوم 30 يونيو كان غير مو بس علشان يوم التواصل الاجتماعي العالمي لكن علشان يصادف هالسنة ايضاً احتفالية شركة زين بثلاثين عام على انشائها فصارت الفرحه فرحتين والاحتفال احتفالين 🙂

كنا متوقعه وصول دعوة للاحتفال وبانتظار ابداعات وابتكارات موظفي السوشال ميديا

تأخرت دعوتي لكن الحمدلله وصلت على خير واستلمتها رزمة اظرف عليها اسم البلوق لكن شنوووو فيها ؟

قطعة يو اس بي (فلاش ميموري)  وداخلها هالفيديو 🙂

لوووول فضحوني اكثر هههههه والله ماقدر اكشت فيكم احبكم بس ما صار اكو فرصة امر بس وعد بمركم بأقرب وقت يا اغلى قروب واشرب معاكم قهوه ولازم من الهندي بستاربكس اللي كل ماشاف ويهي سألني عن الجو على باله قاعده بجبال الالب هههههه

هلوووي بيبي أحبكم 🙂

صار يوم الاحد ورحت موقع الاحتفال بفندق ميسوني وما شاء الله اعلانات زين بكل مكان

ايكونات برامج التواصل الاجتماعي منتشرة بالطابق مقابل القاعه يونسوووون

شفت هاللايكات والفولو عند الباب بس ماعرفت شالسالفه وماخذيت شي 🙁 بعدين تعرفون ليش

كانوا مسوين معرض صغير حاطين فيه النقالات اللي استخدمناها السنين اللي طافت

هلا بوالحسن وسوسن من شركة زين للاتصالات

حتى الطاولة والضيافه عليهم تويتر وفيس بوك ويوتيوب وانستغرام

جنطة هيونة تشوق ما شاء الله

ماركتها loewe

مجموعة فنانين ومعاهم بو راشد وبعض المدونين

الجميلة فاطمه العثمان صاحبة F2O

احمد العجيل قدم فقرات الحفل

كلمة لاحد مديري زين قروب

Scott Gegenheimer .. Zain Group CEO

السيد محمد المهيني من فريق السوشال ميديا في شركة زين يتحدث عن الاحتفاليه ويرحب بالحضور

الضيافه كل خير واحلى شي ايس كريم جيلاتوو .. فقدناج يا ام عزيز

كان في بعض الفيديوات جميله يتكلم فيها العديد من الشخصيات عن السوشال ميديا وبعدها كانت المفاجأة

فقرة خاصه بأول فرقة كويتية للهيب هوب

Army of One

اسامة فوده كان ضمن الحضور واستلم المايك وتمشى بين الحضور ولعبهم من العاب المشهوره بالاحرف

هالتاقات كانت لهم سالفه

ان اللي يقدر يجمع اكبر عدد منهم ويلبسونه اصدقاءه يفوز بالهدية

بعد عمري دندرمة واما ترفلر وجاكي وتربل سسترز ولجين وجيفري ورزه لبسوني بس الحظ ابتسم حق عمر العثمان عليه بالعافية 🙂

لجين الحلوة

وفيديو تتكلم فيه لجين وجاكي دول عن السوشال ميديا

فقرة الشياب رقصوا وغنوا وبدعوا وونسونا بس حسافة لو الاغاني عربي على هالسكبه ههههه جان سامريه ولا نقازي

البالونااااااااااات

كل واحد ياخذ بالونه ويكتب عليها اسمه

وطيرناها كلنا بوقت واحد والله العالم بالونتي وصلت وين هههه ليلحين ما وصلني منشن من اللي طاحت عليه البالونه 😛

Happy Birthday Zain

عقبال 100 ومن نجاح الى نجاح باذن الله

العشاء ويمعة الحبايب

كل الشكر لشركة زين على اليمعه الحلوة اللي ننطرها من سنه لي سنه وقواكم الله يا فريق السوشال ميديا محمد المهيني, فيصل الراجحي, هلا بوالحسن وبيبي العبدالحسن دايما مبدعين ومبتكرين ومفنتقين يا زينكم طالعين على شركتكم 😀