Review : Signor Sassi’s Ramadan Buffet

تمت دعوتنا لمطعم سينيور ساسي (البحر) لتجربة بوفيه الافطار الذي سيتم تقديمه خلال شهر رمضان

هذي المره الاولى اللي ازور فيها المطعم وكانت اجمالا جيده جدا

مكانه بجانب الابراج كلش ما يضيع و من داخل راهي ماشاء الله

اول شي ضيفونا بخبز الباجيت بنوعين اسمر وابيض مع قطع من الزيتون وجبن البارميزان اضافه الى خل البلسمك و زيت الزيتون

والحين مع شراب رمضان المفضل للجميع ڤيمتو

خبز بالثوم على شكل بيتزا .. لذيذ والعجينه طيبه

وحبوا انه نجرب الموكتيلات اللي عندهم فيابوا لنا
Water of venice
Rosemary berry
الفينيسي الازرق عباره عن ليمون وايد لذيذ اما الروزميري عباره عن رازبيري وفلفل اسود و روزميري والله شي غريب بس عجب صديقتي

وصار وقت نقوم نشوف محتويات البوفيه الرمضاني

جان القى اخطبووط و اشياء بحريه

نوعين من الشوربات مشروم و عدس

وبوفيه الاطباق الرئيسيه

هذي سمكة سالمون كبيرة مغطيه بالملح ومطبوخه بالفرن

كاونتر الباستا اللي يسوونها جدامكم و عندهم انواع والوان تشوق وتوصل حاره ولذيذذذه

وهذا الرافيولي جاهز نصه محشي بفطر و النص الثاني محشي بدياي

الحلويات سيدة المكان في رمضان لازم لها مكان بالبوفيه

وطلبنا الكابتشينو

ويابولنا معاه قراميش ناطعه تتقدم مع القهوة

شكرا لمطعم سينيور ساسي على الدعوة و لمدير المطعم على حسن الضيافه
Signor Sassi is located in Arabian Gulf Road next to Kuwait Tower
Tel : 22418893