Dosayh is proud to present to u the first collection of hand made files with unique and one of kind designs
Tel : 97540807
FB Link
Ikea Catalogue Delivered
لتصفح كتالوج ايكيا اونلاين والمزيد من التفاصيل اضغط هنــا
Give Gifts
صج من سماها ديرة الخير .. اهل الكويت دايماً سباقين لفعل الخير
Give من اول ما طرحت كويت رين و إيا بلوق حملة
تلقينا الدعم من الكثير من المدونات والشركات والهدايا قامت تهل من كل صوب مشاء الله
هذي تجهيزاتي للحفلة باجر بإذن الله
شرينا الالعاب للاطفال ربي يشافيهم 
التغليف
وصارت للحمله تطورات عبر البي بي ام والواتس اب وكل وحده قامت تشجع الثانيه بصور مشترياتها
ام حمود وجولتها لشراء الالعاب جزاها الله خير
رناش ماقصرت وصلت لي مجموعه كبيرة من الهدايا في ميزان حسناتج يارب
ابلة نوره واميمتها الغاليه وشراء الهدايا جزاهم الله خير
ابله نوره يعطيها الله الف عافية وهي ابلة رياض اطفال في روضة صقر الرشود سوت حركة وايد حلوة خلت اطفال الروضة الحلوين يشاركون في تغليف الهدايا للاطفال المرضى 
وصلتني ايضاً هدايا من ابلة فاطمه يعطيها العافية
وبعد ما جمعت كل الهدايا اللي وصلتني هذا منظر اخير لسيارتي قبل الانطلاق لتوصيلها
Tulipa’s Sense مكان توصيل الهدايا كان في محل الزهور
في مجمع التلال بشويخ 
كويت رين كانت بإنتظارنا لتجميع الهدايا
Tulipa’s Sense وهذي الورود الحلوة اهداء للاطفال من
TheTripleF حركة زوغه وهاند ميد شغل بلوق
يعطيكم العافية وتسلم ايدكم على هالهدايا الجميله
على دعمهم ومكانهم اللي خصصوه لتجميع الهدايا Tulipa’s Sense شكراً
Give انتظرونا غداً ان شاء الله ببوست تغطية الحفلة الخاصة لحملة
Hello Kitty Mini Chocolate Digestives
وانا اتسوق للبيت في كارفور قسم البسكوت والككاو لقيت هالعلبة الكيوت على هيلو كيتي
شوقتني فخذيت وحده ادري اليهال بيستانسون عليه
العلبه فيها 5 جياس صغار
الجياس كيوت وكل جيس عليه صورة تختلف عن باقي الجياس
حبات ميني ميلك جوكليت دايجستيف 
الحبات عنوووونة وضعيفه 
SeaShell : Avenue Restaurant Breakfast
يوفر سيشل فطور مجاني في مطعم افنيو لمستأجري الشاليهات
يقع المطعم في الطابق السفلي من الاستقبال ويطل على حوض سباحة مع وجود شرفة داخلية وخارجية
كروت الدخول للبوفيه للاطفال والكبار
البوفيه 
الاجبان واللحوم الباردة
السلطة
اول مره اشوف بوفيه فيه جباتي وفتة نخي 🙂
اطباق من البوفيه
المعجنات والمربى والكيك
الحليب بالبارد بالقرب من انواع الكورن فليكس
العصائر
لي تعليق على شغله وحده ما عجبتني .. بما ان الفطور مجاني المفروض هالشي يكون بالكامل ملاحظتي ان البوفيه رغم انه متنوع كان يفتقد للبيض ماعدا البيض المغلي
ووجود بيض اومليت بسعر 750 فلس .. اول مره اروح بوفيه بفندق مجاني ويحاسبوني على بيض او بان كيك !! استغربت بصراحه
اثناء تصويري ياني الشيف يسلم ويسألني عن سبب تصويري فقلت له انا عندي بلوق وسألني اذا حابه اطلب بان كيك او اومليت وطلبت منه بان كيك 🙂
بصراحه الريحه تينن
الصلصات والتوبينق للبان كيك
يم يم 
تسلم ايدك شيف عمر وشكراً على البان كيك كان جداً طيب
اختي ما قاومت وطلبت بان كيك غرقانه بالككاو 🙂
شيف عمر وشيف محمد وستاف مطعم افنيو في سيشل .. يعطيكم العافية 🙂
SeaShell Julai’a Hotel & Resort
قبل 3 سنوات كنا من رواد كمبنسكي الجليعه لكن بعد ما تغيرت الاداره وصار سيشل هذي اول مره نحجز فيه
سيشل في الجليعه طريق 245 بجانب شاليهان الجون وصالح شهاب 
عندهم غرف فندقية وشاليهات بأسامي مختلفة مثل (عنبر – مرجان – جود – فيروز – محار) وعلى حسب اختياركم لعدد الغرف في الشاليه من 2 الى 4 غرف اضافه الى الفلل الفاخره المطله على البحر مع حمام سباحه خاص وتراس
شاليهنا (مرجان) طابقين و بقيمة 180 دك الليله و يحوي 3 غرف نوم + غرفه خادمه مع حمامها
صاله وغرفة طعام اضافه للمطبخ طبعا 
الاطلاله على حمام السباحه والحديقه
حبيت اهتمامهم بالزرع والورود
المطعم المطل على البحر
المكان وايد نظيف مهتمين جداً بهالناحيه
الشاطيء
هالبووت يونس يطيرررر كان ودنا نجربه بس ان شاء الله باليايات
هالياهل الله يحفظة نكته مع خدامته ,, مخليها تسبح بروحها بالبحر واهوو مزاجة قاعد يتطمش على اليال ويشرب سفن آب سلم قلبه
تأجير الجيت سكي والبنانا والطراريد
اللايف جاكيت مقاسات والوان واشكال
الجتات كبار وصغار لشخصين و 3
وجود سينما للاطفال بأوقات محدده
حمام سباحه خاص للسيدات
حفلة دي جي كل جمعه مسابقات وفقرات ووناسه 
فزنا بهدية 🙂
استمتعنا بويك اند جميل في ربوع سيشل وبنهاية البوست لازم اكتب السلبيات والايجابيات علشان اللي بيروح يستفيد
الايجابيات :
– الاهتمام الكبير بالزرع والازهار
– نشاط المنقذين على حمام السباحه
– بوفيه ريوق مجاني مع الشاليه – سيكون له بوست خاص
– وجود سوبرماركت صغير
– سينما مجانيه للاطفال
– حفلة دي جي مميزة لفرقة حبايب الكويت
– وجود حمام سباحه خاص للنساء فقط
السلبيات :
– دخول سياره واحده للشاليه الكبير
– عدم وجود شواية خاصة بالشاليه .. وجود خدمة تأجير مبالغ بأسعارها 19 دك للكبيرة و 11 دك للصغيره
SeaShell, Julai’a, Road 245
Tel : 1844 444
Site Link