وصلتني دعوة لتناول الفطور (الريوق) في مطعم بيت 7 بمناسبة افتتاحه بعد توقف دام 3 سنوات

بصراحه ماجربت المطعم من قبل وكانت فرصة حلوة لتجربه جديدة

المطعم عباره عن بيت كويتي قديم بالدرايش واللون والديزاين والحوش لكن بأثاث مودرن 🙂

القعدة برا وايد حلوة خصوصاً الصبح لكن بالليل اتوقع ريحة الشيشة قوية لأن المطعم يقدم الشيشة

احلى شي انه الريوق من ال 8 صباحاً الى 12

المطعم من الداخل عباره عن دورين .. واايد شرح والشجره الكبيرة معطيه شكل رائع للمكان

داخل البيت او المطعم غرف والغرف مفتوحين على بعض لكن بطريقة مريحة وفيها شوية خصوصية

واحنا نستكشف المكان دندرمة و زوجها لقوا هالباب السري 😛

باب عنونوووو يقولون يدخل للمخزن ذكرني في باب قزوم اللي يطلع حق توته في كوكب المريخ 😀

كانوا مزهبين لنا طاولة خاصة اوت دور وبما ان الجو حلو تحلى القعده الخارجية

منيو الريوق – اضغط على الصورة

واحلى شي الواحد يبدي ريوقة بكوب من العصير البرتقال الطازج وكوب ليمون بنعناع لرشا من جابتر كويت واختها

قهوة دندرمة الصباحيه وعصير اناناس حق زوجها

والحين صار وقت الريوق واول القادمين كان سلة الخبز

فطور كونتيننتال : بانكيك وتوست فرنسي والكرواسون مع العسل والمربى والماربل سيرب والزبدة

ذقت التوست الفرنسي كان لذيذ

طبق اجبان

اللبنه

الفول والحمص والفلافل

الفول وايد لذيذ والفلافل كانت جيدة

اومليت الخضار

اومليت بالجبنه .. انا حبيتها لذيذة

ساندويتش التيركي مع الشيدر وايي معاها فرايز

سلمون مدخن مع البرتقال .. كلش مو موديلي

بعد هالريوق صرنا فـــل لكن مدير المطعم ما طلعنا الا مضيفنا بالقهوه وانواع من اطباق السويت اللذيذة

قهوتي الفرنسية كانت ممتازة

كيكة البلاك فورست مع ايس كريم الفانيلا

الجيز كيك وايد وايد لذيذة

كريب النوتيلا مع الموز كان ايضاً عجيب

بانكيك الفواكهه مع الجوكليت السايح

طبق من الفاكهه الطازجة

كانت قعدة وايد حلوة الجو جميل والاكل لذيذ والخدمه جيدة .. استمتعنا بالاجواء 🙂

شكراً لبيت 7 ومدير المطعم الاخ بسيم عطا الله على الدعوة والضيافة المميزة الكريمة وكل التوفيق لكم

Bait 7 Located in Al Qibla, Behbehani Houses, Bahind the catholic church & next 2 Starbucks

Tel : 22450871

Site Link