Review : مطعم تكـا ولومـــي

مطعم تكا ولومي من المطاعم اللي فتحت مؤخراً في المباركية بنفس المبنى اللي فيه حليب وهيل وتيستي منقوشة لكن بالخلف

المطعم يقدم الاكلات الكويتية الخفيفة والعربية ايضاً

في الداخل 4 طاولات وتلفزيون يعرضون فيه مسلسلات اول مثل درب الزلق

وفي الخارج قعده حلوه والاحلى الخلفيه الموسيقية اللي تحسسكم انكم رديتوا فتره السبعينات والثمانينات كل الاغاني قديمة عبدالكريم عبدالقادر والمهنا وعايشة المرطة عجيب 🙂

اليوم الجو حلو برااااد فقررنا نقعد بره

المنيوو على شكل مهفــه وفيه انواع من المشويات والحمسات ونوع من العيش والحلويات

نزاكة الكلينس مع المملحة والفلفل والكاتشب وشكله يوحي بأيام اول بعد

ووصــل الاكل 🙂

خبز ايراني حار اممممم

والخضره والمخلل

حمص بتكا .. كان لذيذذ

حمسة عامر عباره عن بيديان وزهره وبصل وطماط وبقدونس مع الليمون

حدهااااا ناطعه الحمسة وانا من زمااان خبري بالحمسات حدي حبيتها

تكا ولومي .. تكا غنم متبل باللومي المطحون والبصل المفروم وايي مع الفرايز

التكا يحلوها عنوونة ذربة وطيبه وايد

لبن منعنع يسرسح على القلب

والويترز حبوا يذوقونا شربت البيذان واللومي

وعقب الغدا الزين لازم نعدل راسنا بجويهه ونستمتع بأغنية قومي اوقفي وارفعي البوشية و منسية 🙂

إلبــه أم نواف حدها حدها خطيرررررة لازم تجربونها وترى على حزة العشا تكون مخلصة روحوا مبجر لاتطوفونها

خبز وسكر .. ما حبيته عادي وطعمه فيه حليب بودر مو ذاك الزود

فاتورتنا معقولة 10 ونص دك

الخدمة ممتازة والستاف وايد فريندلي خصوصاً اول وحده من اليمين زووووغه يحلوها

Tikka wa Lumy Located in Almubarkia, Saqran Center, Next 2 Gulf Bank

Tel : 22490858

14 comments

  1. Nora says:

    بسراحة المكان يشوق ودي اروح واجرب الاكل

    يا حلوها الفلبينية طماشة

  2. Amouli says:

    جربته قبل لايطبعون المنيو وايد اكلهم عجيب احب قعدته وايد والسيرفس حلو
    عسى الله يوفقهم

  3. Abeer says:

    تصويرك بطططططططططططططططططططططططططل صراحا ,,
    ممكن اعرف وش نوع العدسه ؟؟؟

  4. sloom says:

    مبروووووووكـ الافتتاحـ
    بس حلو ديزاين الفلبينيه بالعمه ههههههههههههههههااااي

Comments are closed.