The One اليوم كنت مع خواتي نتسوق في

نبي جم شغله للبيت وبعد ما حاسبت اغراضي انصدمت من شغله !! قالت لي الموظفه انه لازم تدفعين 100 فلس حق الجيس ! عفوا

اشتري اغراض وادفع فلوس جيس ليش ؟ قالت لي انهم منزلين هالجيس من مادة خاصة قابله للتحلل بعد 6 شهور وهي صديقة للبيئه  اوكي هالشي حلو لكن ليش الشركة ما تتحمل تكاليف الجيس ؟ 100 فلس مبلغ قليل لكن ما احب ينفرض علي شي

اذا ماني غلطانه مركز سلطان وغيره من الاماكن عندهم اكياس صديقة للبيئة لكن نشتريها حسب رغبتنا مو فرض ! ياتشترون يا نلف اغراضكم بأوراق وشيلوهم !! هاو ليش عسى ماشر

واللي شاري اشياء وايد يدفع اكثر من دينار غصبن عليه ؟ بصراحه حركة البيئة لطيفة جداً وجميل ان الواحد يفكر في بيئته وكيفية حمايتها  لكن فرض الشراء على الزبون شي مو مقبول نهائياً

شرايكم ؟ تشترون ؟؟ بالنسبة لي انصدمت واضطريت اشتري خصوصاً اني بصور هالجيس العجيب حق البوست وسيارتي كانت بعيده ما كان لي خيار آخر