شراب صيفي يديد ولذيذ منزلينه ستاربكس عباره عن فرابتشينو بنكهة الموكا بالكوكيز
جربته ما حسيت بطعم الكوكيز بالعكس كانت نكهة القهوه طاغيه حتى التوبينق كان قطع من القهوز المطحونه .. لذيذ بس ماكو على الموكا فرباتشينو العادي 😀
Fortune Cookie’s Lovely Invitation
امس بالليل وصلت البيت ولقيت يم داري هالسفرطاس المزكرت بالوريدات .. ياحلوة من وين ؟؟
P2BK في Fortune Cookie الورد ذكرني بديكور بوث
وطلعت الهدية منهم 😀
السفرطاس بالكويتي للي ما يعرفه ماعون ستيل طابقين او 3 يحطون فيه الغدا او العشا حق الطلعات الخارجية او النقصات برمضان اول
اول ماعون كان فيه دعوه من فورجن كوكي لمحلهم باجر والاطلاع على الكولكشن اليديد لرمضان المبارك
ومعاهم قطعه كوكيز زوغه على الهندي اللي بدرب الزلق .. فورجن كوكي رمضان كولكشن وساااال وسااااال 😛
اما الماعون الثاني واااي مو صج قرقيعان مبجر وفيه الحلويات القديمة مثل ككاو بو نظاره والعلج بو طقطقة وحلاو كولا وتوتي فروتي وبعد معجون التفافيخ وناااسة والاحلى مقرقعين بأسمي 😀
فورجن كوكي مشكورين وايد على الهدية اللي اتينن .. اريج الخرافي دايماً تبدعين موفقة يالغاليه :*
كولكشن رمضان بيكون موجود بمحلهم بأولمبيا مول من باجر ان شاء الله
online store (link) Twitter (@FortuneCookieQ8) FB (link)
Instagram (@FortuneCookieQ8)
Review : En Mexico Mexican Cuisine
من فترة ما جربنا مكان يديد .. اليوم كنت بالجابرية وتذكرت مطعم مكسيكي ما صار له مده من فتح
En Mexico وبدون تردد قلنا نجرب مطعم
المكان صغير وديكوره بسيط كان فاضي الا من طاولة وحده لكن بعد ما دخلنا بدوا الزباين يدخلون وصار زحمه مشاء الله
والويترز شباب كويتيين اتوقع انهم اصحاب المطعم قواهم الله
المنيو بعد صغير ومن صفحه وحده لكن منوع
Queso Fundido
Cheesy Foundue with fire roasted chilies
Served with crisp tortilla chips
فوندو الجبن مع قطع الناتشوز .. وايد لذيذ
Elote
Street style Mexican corn on the cob 2 ears of grilled corn sprinkled with cheese and chili powder
ذرة مشوية مع حبيبات الجبن
Chipotle Spiced Burger
برجر مع الجبن وشرايح البطاط .. كانت عادية
اما الحلو كان عجيب
Chocolate Bread Pudding
بودينغ الجوكليت والدارسين مع ايس كريم الفانيلا
عجيب
Churros with chocolate sauce
وايد لذيذ وهم فيه دارسين
فاتورتنا = 10,300 دك
En Mexico Located in jabriya, block 1A, street 6
Tel : 99111015
Twitter : @enmexicokw
NANOS Moda Soon in Kuwait
NANOS MODA, the popular Spanish brand has arrived Kuwait & the store will open in few days at Discovery Mall
To Order For Summer: +965 97518888
Banana Q8 Cafe !!
Banana Q8 Cafe وانا بالسالمية وتحديدا عند مجمع بيكاديللي لاحظت كافيه يديد اسمه
الظاهر بتصير الهبه الياية افتتاح محلات باسامي المدونات !!!
برومو فيلم المناخ و حقيقة ما جرى
يعتبر هذا الفيلم الوثائقي أول إنتاج تلفزيوني كويتي يوثق هذه الأزمة المالية وهذه الحقبة التاريخية، ليس فقط من تاريخنا الاقتصادي والوطني فحسب، وإنما أيضا من التاريخ الإقتصادي العالمي نظرا إلى أن أزمة سوق المناخ تعتبر ثالث الأزمات الاقتصادية المالية العالمية بعد أزمة الزهور في هولندا في القرن السابع عشر وأزمة الأسواق العالمية عام 1929م في الولايات المتحدة الأمريكية.
لقد إستغرق هذا العمل ثلاثة سنوات بدءاً من الدراسة والبحث وتجميع كم هائل من المواد الأرشيفية و إجراء أكثر من 35 مقابلة حصرية مع أهم الشخصيات ذات الصلة بهذه الأزمة.
انتاج شركة الساحل
منتج منفذ سنيار