The Counter تجربتنا الجديدة اليوم كانت لمطعم

وهو مطعم امريكي معروف متخصص بالبرجر وتابع لشركة امريكانا

سيتم افتتاح المطعم رسميا غداً الاحد ان شاء الله

ديكور المطعم بسيط ومشابهه لمطاعم البرجر المنتشره في الكويت 

المميز هو وجود كل ما يلزمكم على الطاولة من ملح, فلفل, كاتشب, فلفل, اعواد ومحارم ورقيه واقلام بستاند ظريف

المطعم مشهور بتقديم البرجر على طريقتكم الخاصه عبر اختيار جميع المكونات

يعطونكم المنيو وتختارون المكونات بنفسكم بداية باختيار نوع البرجر (لحم – دجاج – خضرا) والحجم اللي تبونه واذا تبونها بالبن (الصمونه) او لا

بعدها نختار 4 من التوبينق بين 20 نوع مثل الجلابينو والكولسلو والزيتون والسبانخ والبيض والخضرا والبصل وغيره

وبعدها هم فيه انواع ثانية من التوبينق 9 انواع منها الافكادو والبيكون والفلفل والقواكامولي والمشروم والتيركي وغيره

الصوص عندهم 22 نوع منها السيزر والرانش والهني ماسترد والخوخ والمايونيز والباربيكيو وغيرهم

واخر خطوه هي اختيار نوع البن (الصمونه) بين 4 انواع

طلبت عصير برتقال على ما يوصل الطلب

يابولنا صحن فيه الفرايز والبطاطا الحلوة والاونيون ومع 3 انواع صلصه لذيذة

البرجر وصل يم يم

هذي كانت برجرتي اللي اخترت مكوناتها

Beef, 1/3 lb wheat bun 🙂

وداخلها جبن شيدر وخضرا وطماط وبصل ومشروم واناناس مع صلصة كونتري رانش

طعم الاناناس مع البرجر موووو طبيعي انصحكم فيه

وبعدها قدمولنا نوعين من الحلويات

الجيز كيك وايد لذيذة

والابل باي مع الفانيلا ايس كريم هم وايد لذيذة

وهذا ميلك شيك لذيذ على سينابون لذيذذذذ بس ثقيل 

The Counter Team 😀 

The Counter Located in The Avenues, next to the Cinema