Sweetna وصلني بوكس من
فيه نوع من انواع الحلو اللي يتميزون فيها واسمه هوت هيروشيما
شي يشبهه المولتن مع صلصة الجوكليت بلسعه من القهوه وحبات اللوز
For Order : 99967531
Instagram @Sweetna_99967531
Emporio Armani Caffe Now Open in Prestige @The_Avenues
امبيريو ارماني فتح امس العصر في برستيج بالافنيوز 🙂
وقبل لا تصير الزحمه صار لنا نقعد نشرب قهوتنا ونحلي فيه
طلبنا لاتيه .. كان حده عجيب ياز لي وايد
اما السويت فكان اختيارنا موفق الحمدلله
تيراميسو .. كانت حدها لذيذة بس لو يزيدونها قهوه لأنه طعم القهوه مو مبين مع هذا ناطعه
هذا الشي خطير خطير .. اسمها كروستاتينا .. تارت توت مشكل عجيب مع جوكليت ايس كريم
Ralph Lauren Now Open in Prestige @The_Avenues
تم افتتاح بوتيك رالف لورين الجديد في الافنيوز (برستيج) ويتألف من طابقين, يعرض بالطابق الارضي مجموعه بربل لايبل وبلاك ليبل وبولو رالف لورين للرجال اضافه الى الاحذية والاكسسوارات الرجاليه اما الطابق الاول فهو خاص بالازياء النسائيه ويقدم كولكشن بلاك ليبل وبلو لايبل للنساء اضافه للاحذيه والاكسسوارات النسائيه
فستان خاص وحصري يباع فقط في رالف لورين الكويت
جنطة ريكي بلون ذهبي حصرياً لبوتيك الكويت
الحزام والكلاتش وايد حلوين
ضيافة رالف لورين
Magnolia Bakery Kuwait
وصلتني دعوه لذيذة من ماغنوليا بيكري لإيفنت خاص بالبلوقرز قبل الافتتاح الرسمي لتذوق منتجاتهم
ومن يقول لا للاشياء اللذيذة خصوصاً بعد ما كنا بانتظار افتتاحه بالكويت 🙂
ومن نيويورك رحنا برج الحمرا 🙂
طاوله فيها مما لذ وطاب للتذوق
وموسيقى حيه رائعه
خنشوف شعندهم من شي ناطع 🙂
جربوا الريد فيلفت ترى حدها عجيبه
اشياء واشياء جميلة
حصة تعليم كيفيه تشكيل الفروستينغ على الكب كيك 🙂
Abigail هذي كيكتي اللي سويتها .. مابي اجذب ساعدتني 😛
قدمولنا انواع من الايس تي وبودينغ الموز عندهم شي قااااتل لازم تجربونه
يا زين الكابتشينو بالبرد يدفي 🙂
اسره ماغنوليا الكويت
شكراً ماغنوليا على الدعوة والامسيه اللذيذة
الافتتاح الرسمي بيكون يوم الاربعاء 19 ديسمبر الساعه 10 صباحاً
Twitter & Instagram @MagnoliaKuwait
@ZainKuwait BBQ Night
وصلتني قبل جم يوم دعوة تشوق لحضور باربكيو مسويته شركة زين للمدونين والميديا
الدعوة عباره عن قفشه الشوي (مادري شيسمونها) ههههه ومعاها جيس عنونو فيه اشياء عنونات كتشب وتباسكو وماسترد
وصلت بالموعد الى مقر شركة زين والحمدلله كان الجو حلو .. شوي برد لكن الدفايات والنار عطونا شوية فى 🙂
الليتات وردية والمكان شغل عدل
بردددد
اسرة شركة زين للاتصالات
غناء وموسيقى حيه
4GLTE كانوا حاطين كاونترات لتجربة خدمة الانترنت السريعه
وضيفونا كل خير .. عصيرات وقهوه وحلو وهوت جوكليت
كل الحضور استلموا ارقام للسحب على 18 ايفون 5 ومع الاسف ما كنت محظوظه هالمره 🙁
السيد محمد المهيني من زين يرحب بالحضور والمذيع اسامه فوده يقوم بالسحب على الايفونات
وبعدها سوى مسابقتين واللي فازوا خذوا ايفونات
حمد قلم رقمه طلع بالسحب .. مبروك الايفون تكسره بالعافيه 🙂 وهم رشا شلهوب فازت بالمسابقه وخذت ايفون عليها بالعافية
وصار وقت الباربكيو والعشا
بوفيه كانبيز
قسم للهوت دوق والشاورما
البطاطا المشوية والمشويات من الخضرا .. بصل طماط مشروم وكل خير
تكا لحم ودياي وكباب .. عجيب
ذره مشوية
وختمناها بالمارشميلوو
شكراً زين دايماً مزينين ليالينا بأحلى اليمعات 🙂
The Souk Area Now Open @The_Avenues
تم اليوم افتتاح منطقة السوق في الافنيوز وهي منطقة تراثيه تشبهه الى حد كبير سوق المباركية في الديره
تقدرون تدخلون لها من ذا مول او من الغراند افنيوز ناحية ميليون اوف ميلك شيكس
ليلحين مو كل المحلات بطلت .. بعض المحلات المفتوحه ستيك هاوس للايس كريم الطبيعي ومحل مي زهر وفيه انواع من الاعشاب والمواد الغذائيه مثل الزعتر والزهورات والصنوبر والمربيات وغيرها
سوبرماركت ترولي
عطورات المديرس وعطورات امل الكويت والدغيشم للاقمشه وعطارة الحكمه
فونز وعطورات محمل العود وبيت الصابون اللبناني
كافيه بزه
دشاديش ودراريع حلاوه وصلوا من مصر 🙂
اما المحلات اللي ليلحين مافتحت وبعضها اساميها تشوق .. بقشه وبن العميد وعباية القطان
وناطرين بعد افتتاح فقع ومشروم وبياله كافيه وخبز الدار
