من زمان ما تيمعت مع رفيجاتي اللي من عمر ربع المدرسه والميانه وهم اهم مو كلهم يعرفون البلوقرز 

شيفل ما قصروا جمعوا صديقاتي كلهم بمكان واحد وعرفوهم على بعض 🙂

وصلت ولا مزينين المكان ومسوين لي مفاجأة بالونات وحركات يحليلهم 

احلى شي انه المكان قريب وملموم وما يضيع وحق الحفلات تقدرون تسكرون المكان لكم بروحكم مثل ما صار معانا 

وعلى الشاشه تقدرون تعرضون اللي تبونه صور وافلام واي شي اضافه لاختياركم الخاص من الموسيقى

مابي اقولكم عن السي دي اللي حطيناه اخاف اطيح من عينكم هههههههه والله مو اختياري طني ورورو والله ولا هيلكبتر ههههه

ووصلوا الحبايب

و جوجو نورت المكان :*

اول شي اخترنا السموثيز اللي متميزين فيه شيفل  وبالنسبه لي اخترت

Tropical Storm

عباره عن مكس من المانجا, الاناناس, الموز وعصير البرتقال

صج صج صيف عجيب ومنعش

وعندهم 3 انواع غيره البيري بيري والرازبيري بلاست والبلوبيري بلاست 

وبعدها بدوا يفدمون المقبلات والمين كورس وطبعاً هالشي يكون باتفاق مسبق بينكم وبين المطعم عن الانواع اللي تبون تقدمونها للضيوف

مع الاسف مع اللوية ما شاء الله ماقدرت اصور كل شي 

قدمولنا 4 انواع سلطات منهم 

Date Avacado Salad

سلطه التمر مع الاوفوكادو شي ما صار كومبنيشن عجيب

yellow shrimp Salad و

وايد لذيذذذذه

Fresh Chips

gorilla fries

Chix Puffs

هذي دياي على الطريقة الصينية اذا ماني غلطانه وااااايد طيبه

Mini Burgers ال

عندهم انواع على لحم ودياي وحتى سمج 

Rainbow burger

حده يشوق وطريقة تقديمه جديدة  وفيه نوعين لحم او دياي

الحمدلله البنات وايد استانسوا وعجبهم المكان والاكل واليمعه 

وهذا رايي وراي الجميع مو علشان عزيمه ولا علشان اجامل 

اهداء من شيفل كيكة عيد ميلادي المليون هههههه مشكورين ما قصرتوا 

الستاف ما شاء الله عجيبين خدمه سريعه واستجابة اسرع وخدومين وبشوشين ومصورين محترفين خخخخخ خوش لقطات صورونا 

Robert, Raymond, Peachy, Leovy, Chef Edwin, Chef Jeremy Chumacera & Chef Jose Thanks alot & keep up the good work guys 🙂