في بو الحصانيه The Village من فترة سمعت عن مكان اسمه
Nestlé Toll House واخيرا وصلنا ذا فيلج وقررنا نجرب كافيه
واهو اول كافيه رسمي لنستله في الكويت 
المكان صغير بس شرح وقعدته حلوة والحلو فيه كل شي ساندويتش سلطات كوكيز ايس كريم فروزن يوقرت براونيز وغيره
طبعاً الاهم في منتجاتهم والمتخصصين فيه الكوكيز عندهم وايد انواع وكلها فريش
عندهم 3 احجام للجاينت كوكيز تقدرون تطلبونها وبأي عباره تحبون 🙂
الحلو عندهم ان الكوكيز اللي يتم خبزها قبل بيوم تباع بنص القيمة 
مشروبي كان بناء على طلب شخصي يعني مو متوفر بقائمتهم الرسميه ايس موكا كوفي بليندد 
فدج كابتشينو
ساندويتش الموزريلا بالبيستو وايد فريش ولذيذة انصحكم فيها
ماكرون جوز الهند .. اللي يحب الكوكنت وايد بيحبها 
قبل لا اطلع اخترت الميني اورجينال كوكيز وكانت هدية من نستله كافيه مشكورين .. الكوكيز وايد لذيذ ويستاهل تطلبونه
بالعافية..من اسم الكافيه شكله يشوق ولذيذ بس وين صايرة ابوالحصانية شكلها بعيدة!
الله يعافيك صوب الفنيطيس والفنطاس وابو فطيرة
عليكم بالعافيه
اختي تمدحه
ان شاء الله ناويه اروحله قريباً
Cup
ورا المسيله
على طريج الفحيحيل – دخلة طريج 208
الله يعافيج اي والله خوش كافيه
مشكورين نزهاوية وبنك جيرل
العفو 🙂
حراام كفاية…لي كده يا بنك الحلوة؟هذا الاجرام بعينه واعلمه..عوافي ويبيله رووووحة
لوول الله يعافيج حبيبتي .. يالله شوفوا يوم نروح كلنا 🙂
وناسه والله زين يسوون ينعشون هالمناطق
بيت عمتي هناك شكلهم بيكيفون عليه
:p
عليكم بالعافيه وشكله لذيذ
بس ولا عليج امر ممكن توصفين لي مكانه بالضبط 🙂
الله يعافيج حبيبتي .. ودي اوصف لج بس انا ماني عارفة شلون اهو تدخلين له من تحت جسر ويبين من شارع الفحيحيل السريع
Comments are closed.