بدبي مول ناكل غدانا فيه Vapiano اخترنا مطعم
اول شي لأنه مطعم يديد علينا وثاني شي لأنه مجابل النافورة اللي كان ودنا نشوفها
طريقة المطعم مو متعودين عليها من قبل .. اول شي يسلمونكم كارد وكل ماتطلبون شي يضيفونه بالكارد والدفع يكون اخر شي عند الكاشير
والكارد حدود استخدامة لي 150 درهم فقط
وقفت عند الشيف اللي يسوي الباستا وعطوني المنيو واخترت نوع باستا وعطيته الكارد حط فيه قيمة الطلب ورده لي
طبعا يسألكم عن نوع الباستا اللي تفضلونها
الباستا يكونون مجهزينها من قبل
وقفت انطر باستتي واشوفة يسويها
طلبي كان باستا مشروم بالصلصة البيضا وجبن البارميزان كانت لذيذة جداً وكميتها راهية وايد وكليتها داخل المطعم لأن العصر كان الجو ليلحين حر
قبل المغرب بشوي اخترنا طاولة برا وقعدنا ننطر يشغلون النافوره وطلبنا عصير يبرد علينا
استانسنا على النافورة وطولنا بالقعده وايد وطلبنا كابتشينو كان حده طيَب
بطلعتنا شفت هالاجنبي يحليله كاشخ بالكندورة والغتره والعقال