Yogen Fruz @ Discovery Mall

Yogen Fruz تجربتي اليوم كانت ل

يوقن فروز فتح اول شهر 4 في ديسكفري مول وفرعه الاول كان بمطار الشيخ سعد العبدالله

عندهم نوعين من اليوقرت الاوريجنال والبيري

الشي الحلوو اللي يتميزون فيه واهم الوحيدين اللي يقدمونة انك تقدر تختار الفاكهه اللي تبينها او اي شي ثاني ويخلطونه بجهاز خاص فيهم وتستمتع بمذاقك الخاص المفضل 🙂

بعض النكهات اللي يقدمونها الكوفي والبينا كولادا والشاي الاخضر والشاي لاتيه وغيرهم

عندهم بعد انواع من السموثيز

اخترت الكوفي

توبينق الفاكهه : اناناس مانجا رمان توت فراولة كيوي

بعض انواع التوبينق الاخرى مثل الكوكيز والدايجستف والقرانولا والكورن فليكس والكوكنت والمارشميلو وغيرهم

حطيت توبينق دايجستف وتوت .. صراحه كان حده لذيذ يسوى العنوة

عندهم 3 انواع حلاو

Strawberry Banana + Blueberry Breeze + Tropical Storm 

Discovery Mall , floor 1