كل فتره اذا حصلت لي سفره لدبي اسوي سيرج عن اماكن يديده او حتى قديمه ما شفتها من قبل
وهالمره طلعت لي بعض الاماكن اليديده بالنسبه لي وحطيتها بجدول سفرتي من ضمنهم
قريه البوم السياحيه جهة مطعم زمان اول
واللي شدني لها طبعا البيوت الحلوه اللي مسوينهم نسخه طبق الاصل عن المسلسل الكارتوني فريج
بيت ام خماس وام علاوي وام سلوم وام سعيد وبقالة آغا 🙂
والحلو انه البيوت مسوينهم معارض
انا اخترت فتره الريوق لأن المكان اينن وحلو التصوير الصبح لكن حسافه طلعوا المعارض مايفتحون الا بال٥ وحتى شخصيات فريج مايطلعون يتمشون على بال٥
شوفوا المنظر العجيب والقعدات الزينه الصبح
قعدات بسيطه ومرتبه وافكارها حلوه
تابعه لمطعم زمان اول اللي يقدم الاكل الشعبي الاماراتي
هذي اتينن ديوانيه الهوامير ههههه
الفكره نار
واخترنا قعده حلوه وهذا المنيو وصل
جاي الزعفران والكرك كان جدا طيب ومضبوط
طلبنا بيض طماط كان لذيذ
هذا اسمه خمير والمفروض معاه جبن قلاص
بس يابولنا الخبر بروح والجبن بماعون بروح ومع الاسف الخبز يابس ماينوكل كلش ماحبيناه وما انجاس
مادري اذا اهو طريقته يابس جذي عندهم
بنفس المكان تلقون بوم كبير وعلى جنب المدخل
مسوينه كافيه
هم فكره عجيبه وجميله وتعبر عن تراث مع ان الكافيه مو شعبي ويقدم انواع القهوه العالميه المعتاده
اسمه سكتش ارت كافيه
لما تدخلون بتشوفون السفينه من داخل وحاطين لكم درج للصعود على سطحها
القعده عجيبه
وحتى الكراسي تصميمهم على الطراز البحري
المنيو
نصحني البريستا بالفلات وايت
وقالي انه البيست سيلر عندهم
وكان طيب
قعده حلوه وقهوه طيبه انصحكم بزيارته
بالنسبه للي وسيلة تنقلهم التاكسي لازم تتفقون مع واحد يرد ياخذكم لأنه بالطلعه ماحصلت واستعنت بالسكيورتي وماقصروا طلبولي واحد
Instagram @ZamannAwal @sketchartcafe
