اليوم الثاني كان تسوق بتسوق
ماحس اني لازم انزل بوست عنه بس ابيكم تعيشون معاي اجواء السفره كامله
ريوقنا كان في مكان حلو وبسيط
Lina’s
نفس طريقة بريت مانيجر
ريوقي كان بيض سكرامبل مع جبن وعصير برتقال
بعد الريوق تمشينا ليما وصلنا
Avenue Montaigne
وبدا التسوق
Fendi
في بوتيك فيندي مخصصين زاويه للجناط اللي تصميمنهم مخصوص لج
تختارون الجلد والموديل ويحطون لج احرف من اسمج عليها
Chanel
الويست باق رادين عليها هالسنه
Dior بوتيك
هبة هالموسم
جواتي السنيكرز فيوجن ديور
Caron
Prada
واحنا نتمشى ولا التلفزيون الاسترالي يسوون مقابلات مع الاوادم عن الديور
وردينا الشانزلزيه
هالطراروه يفشلون مخربين الشارع
كاشخين ونظاف ماظن انهم بحاجه استغفر الله
والمشكله اللي عرفته من اللي هناك انهم مو مسلمين بس حاطين حجاب علشان يلفتون النظر ويكسرون خاطر العرب
رحنا بوتيك ال في
شوفوا الكيوو
صارلي موقف في ال في لما صعدنا الدور الاول كانت لاحقتنا وحده من تحت بس مانتبهنا لها الا لما شفنا الصوره اللي صورناها سيلفي بالدرج ههههه
وقفت يمي لما كنت اشوف السكارفات وفجأه حسيت احد كفخ جنطتي مع انها كروس وحاطتها على جنب بس جدامي احس فيها
كانت تبي تفجها علشان تلقط البوك جليلة الحيا جان اعطيها خزه والتفت على خالتي وصديقتي قلتلهم ديروا بالكم على جناطكم
عاد خالتي هدى ماقصرت فضحتها ههههه يوووو ثيـــــف وهذيج بربرت علينا انه انتوا ميانين وانحاشت ماشفنا الا غبرتها
عاد علموا السكيورتي عنها والحمدلله يت سليمه
طلعنا بره ولا راعي الكستنه واقف بعربانته ودلوله شرت جيس نجربه
نزاكه جيس فيه الكسته وجيس لازق فيه حق القشور وحاطين فيه ويت وايبس بعد
على المغرب قامت تمطر
الزينه شحلوها
لادوريه يم يم
احلى مكرون فستق واحنا نتمشى بالجو الحلووو
بالليل رحنا المطعم اللبناني العجمي
اكله لذيذ
نلقاكم في اليوم الثالث 😉
روعه الله يهنيكم وترجعون بالسلامة
تسلمون
انا رديت هالسفره كانت شهر ١١
المطعم شكلة يشوق بالعافية عليكم
وصورة المطر وايد حلوه
الله يعافيج حبيبتي
المطر بكبره اينن تبارك الرحمن ربي يرزقنا :*
ان شاءالله انبسطتوا بالرحلة …
بس عندي تعليق بسيط على موضوع الشحاتين … هذيلا ما يستقصدون يلبسون هاللبس عشان العرب أو غيره، هم غجر واللبس الغجري جذه… مالهم دين ولا وطن !
الف الحمدلله غيرنا جو
والله يمكن مع انه هناك جم واحد قالولنا انه بعضهم يستقصدون هالشي
التقرير يشوووق عليكم بالف عافية ..
على طاري هالطراروة نفس نمونتهم بالضبببببط بلندن .. نفس الاشكال اللي تسوي روحها محرولة و اللي تدز عربانه ووو ..
عاد طحت على وحده تدز عربانة فيها ياهل تطله ايفون تسولف واتساب شوي دخلت الايفون تطلع سامسونج ونفس الشي .. ينيت و كله بالتخشش و اشكالهم شزينهم ماشاءالله و اللي محرولين اشوفها الظهر ماتعرف تمشي اطلع من المستشفى متأخر من نفس الطريج ارد صوب نايتسبريدج تمشي عادي .. فمستحيل اعطيهم اعطي المتنكرين الللي يسوون روحهم تماثيل و لااعطي هذيل
الله يعافيج حبيبتي
صاجه والله واغلبهم الحكومه تصرف عليهم وهم يطرون ويمثلون
Comments are closed.