يوم الاربعا قلنا نغير مكان كشتتنا خصوصا انه بدا الشتا وزادت البروده
مو مال الواحد يجابل البحر والهوى
اخترنا حديقة مشرف قريبه وهاديه بأيام الاسبوع
وصلت الساعه ٤ وكانوا مضياف مزهبين لنا خيمتهم العجيبه تبارك الرحمن چنها كوشه بوسط الحديقه ماشاء الله
وحاطين لنا لوحه نكتب فيها اللي نبي
وريذات واضاءه وقنفات وطاوله وكوشيات وشموع شي عدل
حتى زوليه يايبين ومغلفينها بنايلون علشان ماتتوصخ سنـع
لابد من قطوه تمر علينا ههههههه شي مقرر
شكلي المره اليايه بييب معاي قوطي سردين ولا تونا 😛
وكنت قبلها بيوم طالبه ككاو بأسامي البنات 🙂
@regalo_del_chocolate من اكاونت الانستغرام
طعمه طيب بالمكسرات
واحلى چويهه وقهيوه ل شلـة مشـرف
شحلو الخيمه بالليل ماشاء الله بس لويتنا وعفستنا ماقدرت اصورها كامله
وچان ينفتح الماعون ويطلع المعدس بهالبريدات صج صج وقته يا ســــلام
وقبل لا نقوم بشوي يانا هندي اسمه لوڤ يبيع دي في دي على نص دينار ويقول عنده مكياج بعد
كشخه بتاع كلووو
رقمه حطيته بالانستغرام حق اللي يبيه
شكرا مضياف خوش قعده اتينن عسى الله يوفقكم
للاستفسار : ٩٩١٥٨٦٥٩
Instagram @Medhyaaf