كرك غلام في الدوام !

الواحد بالدوام ساعات وده يغير عن الجاي والقهوة
انا عن نفسي افتح ريجي بأنواع القهوه اللي مع حليب ،، لاتيه او كابتشينو
ذاك اليوم كان خاطري انا ورفيجتي بكرك
مو جاي حليب مال البيت ! كرك يعني خلطه هنديه مادري شلون قايله ههههه اكيد الطعم يختلف
المهم كان المنقذ كرك غلام طلبت منهم مطارة كرك وجباتي
والله ماطولوا الحمدلله و وصلني الاكل مرتب

المطاره مع الاكواب والشكر والقفاش والنابكنز

حجم المطاره ماشاء الله راهي ماتوقعته هالكبر وشكلها حلو

والجباتي بعد كان حار

الريحه خنينه والكرك حاااار

عجيب

وهذا جباتينا الكرفت والفلافل كلهم طيبين