تعودتوا علي بين فتره وفتره انزل لكم بوست عن منتجات دلة الجديده
وقبل جم يوم وصلتني منهم بعض المنتجات الجديده اللي توهم منزلينها في محلهم
اول علبه كان فيها ١٢ حبه من ترايفل التوت البارد بمواعين صغار مربعين ومعاهم قفيشاتهم وبجيس صغير كانوا حاطين ١٢ علبه صغار فيهم بسكوت كريب مفتفت تحطونه على الترايفل وقت التقديم
ترشون الكريب حزتها علشان يكن مقرمش لذيذذذذ
الترايفل حده حده خيال
العلبه الثانيه فيها حلو كويتي قديم اسمه دملوج مادري شلون اشرح بس اهو مثل العجينه وداخله جوز واعتقد يحطون معاه زعفران وهيل وشويه دارسين ويرشون عليه سكر بودر
مقرمش ترف وطيب
شكرا دله على النقصه وعساها عاده ماتنقطع 🙂
دله بجمعية كيفان – الطابق الاول
Tel : 99989824
Instagram @DallahKuwait