حضرت امس عرض الخدع البصرية العالمي في صالة التزلج العرض يقدمه 3 من اشهر فناني الخدع البصرية على هم بيتر مارفي، وجاي ماتيولي، وفيكتور فيوتكو من لاس فيجاس
وقت الدخول الى قاعة العرض .. كان فيه زحمه لكن معقولة
العرض الاول كان لجاي ماتيولي .. قام بعدة خدع جميلة .. كان الاكثر تفاعلا معاه الاطفال 
طلب من احد الاطفال مشاركته بالسحر وفجأة صاروا 2 لوول
كانت الفقرة مع الطفل جميلة 
حاطين شاشتين عرض كبار لمتابعة افضل مثل طريقة الحفلات الغنائية
عريف الحفل كان مذيع الوطن سلمان النجادي
بعدها كانت فقرة فيكتور فيوتكو .. ومن اهم الخدع اللي سواها ان جعل الفتاة اللي معاه تطير بالهوا بدون شي يساعدها على الطيران
وبالاخير كان الدور لبيتر مارفي ومن الخدع اللي سواها شال راسه وقام يتمشى ولعب في الجنجفة وقام يطلع اوراق من ايده وكانت فاضية لما انترس المسرح ! وبالاخير عمل بيت من جنجفة
نهاية العرض
بصراحه انا تمللت من العرض يمكن علشان انا ما احب اكرر شي شايفته واغلب الخدع شايفتها باليوتيوب او التلفزيون ! بس عيال اختي الله يحفظهم وايد استانسوا وهذا الاهم 🙂
