وصلتني دعوة من لوتس كورنر كافيه لافتتاحهم الرسمي ومعاها هدية كريمه جداً من منتجاتهم اللذيذة من كريمه وبسكوت والاهم الكوب اللي ناطرة ينزلونه من زمان 🙂
وصلنا لوتس كورنر بسوق شرق بالوقت المحدد وكان الافتتاح وايد مرتب وشغل عدل
والجو كان عجيب الحمدلله والقعده برا وايد حلوة
انا كتبت من قبل عن لوتس وزرته بأول يوم فتح فيه بالكويت – اضغط هنــا
بس كان الافتتاح في بداية الصيف على شهر 4 علشان جذي اجلوا افتتاحه الى هالفترة
الافتتاح كان بحضور السفير البلجيكي بالكويت ورئيس ادارة مخابز لوتس البلجيكية والمسئولين بشركة الغانم
وبدا تقديم الاشياء اللوتسية الطيبه من مشروبات وحلويات وموالح
المطر شوية خرب البرنامج بس كان بشارة خير والكل استانس فيه ومع المطر توزعت هالبوكسات الصغيرة
داخلها شي كان طعمه خيااااااااااااااااااال
الذ ترايفل ذقته بحياتي الطعم نااااااار .. اتمنى يكون موجود ضمن الاشياء اللي تنباع في الكافيه
من المشروبات الساخنه المفضله عندي من لوتس كورنر
لاتيه بطعم بسكوت اللوتس
والبنات كل من طلب مشروبه الخاص اللي استمتع فيه مع رشات المطر المنعشة
كل الشكر لكافيه لوتس كورنر على الدعوة والايفنت الحلو وبالتوفيق دائما ان شاء الله
Tel : 66500008
Site Link Instagram @LotusCornerKw