بسفرتي الاخيره لدبي كانت الاقامة بفندق ميديا ون بمدينة دبي للاعلام قريب من مرسى دبي وعلى بعد دقايق من مول الامارات
الفندق ٤ نجوم والچيك ان كان سهل ويخيرونكم اذا بتدفعون التأمين او لا يعني سهالات
حجزي كان عن طريق موقع بوكينج – اضغط هنا
ودفعت مبلغ ١٠٣ دك لمدة ليلتين
حسافه نسيت اصور الاستقبال واللوبي
لكن هذي صورة الغرفه
صغيره ولابچه حق اللي زاير دبي لايام واغلب سفرته يقضيها خارج الفندق
مكرم السامع الحمام بينه وبين الغرفه فاصل زجاجي
القهوه والجاي مجاناً وكل يوم يحطون بطلين ماي مجاني ايضاً
استفسرت عن الواي فاي فقالولي اليوم ب٧٥ درهم قالت لي اذا شبكتي يطلعلج صفحه تختارين منها الباكيج اللي تبينه
ما طلع لي الباكيجات وشبك !! وعلى حظي شبك مجاني وماطلبوا مني مبلغ عن الانترنت 🙂
اول يوم طلبت لي كابتشينو ولولد اختي فرايز تصبيره لي الطلعه
لاحظت منيوهم اسعاره وايد مبالغ فيها خصوصا ان الفندق ٤ نجوم
الفندق فيه مسبح وچيم اخر يوم مرينا على المسبح كان موقعه حلو و كبير في الطابق الثامن
One comment
Comments are closed.