الاسبوع اللي فات كنت معزومه في مطعم غاذيرينج بيسترو على العشا مخصوص علشان اختار الطبق اللي على ذوقي واسجله على لوحة اختيارات فلان وفلانه بالمطعم
وبما انها مو المره الاولى بالمطعم فقررنا اختيار شي ماجربناه من قبل
فطلبنا اول شي المشروبات وكانت يديده عندهم
Blue Mojoto
نعناع مع ليمون وعصير تفاح
TGB red cocktail
زنجبيل مع رازبيري وفراوله
وبدت توصل المقبلات
Mini taco cups
عباره عن اكواب صغيره من خبز التورتيلا المحشي باللحم وجبن الموزريلا مع صلصه لذيذه وساور كريم
Parmesan breaded shrimp
طبق ربيان لذيذ بجبن البرميزان والبقسماط
والطبق اللي ما اقاومه
Potato bombs
شي فيه بطاط وجبن لازم لذيذ وكل ما اروح غاثيرينج بيسترو لاااازم اطلبه
Barbecue chicken pizza
بيتزا لذيذه بالدجاج والبصل والبلسمك
Macaroni & cheese
وايد لذيذه والجبن سايح وحااار
في هالحزه خذينا بريك طلعنا من المطعم تمشينا بالصالحيه وتسوقنا ورجعنالهم نشرب قهوتنا وناكل حلو
كريم بروليه طيب
جوكليت اوفر دوز كان قاتل شي مو طبيعي
البريد بودينق كان لي عليه بعض الملاحظات وصلتها لاصحاب المطعم الشقرديين
ما كنت احب الامريكانو لكن چني بديت اغير رايي
صارلي فتره اطلبها وباديه احبها
وصار وقت اقرر شنو الطبق الاكثر لذاذه بين هالاطباق العجيبه
والقلب يقول بوتيتو بامب وهذا طبقي اللي كتبته على البورد
جربوه ومتأكده بيعجبكم ان شاء الله
الصالحية – مجمع نور
Tel : 22449091
Twitter @GatheringKW
Instagram @GatheringKW