دار هــاء

دار هــاء شعارهم (انا غنية واحب الهدية) وبدار هاء يقدمون لكم هدايا متميزه بتغليف مصمم خصيصاً لكم ليبقى ذكرى حلوة لحبايبكم

ومنو اللي ما يحب الهدايا ؟؟ الرسول عليه الصلاة والسلام قال تهادوا تحابوا فالهدية مفتاح من مفاتيح القلوب 

وبطبعي احب اهدي اللي احبهم حتى لو بدون مناسبه شي صغير رخيص ولا غالي مو مهم لكن قيمته المعنوية سبحان الله تثبت بالقلب  

اليوم وصلتني هدية دار هاء وربي يعلم ان الشخصيتين اللي ورا هال هاء من اغلى اللي اعرفهم ربي يحفظهم ويوفقهم وفرحتي بشوفة الحرف نفسه غالي على قلبي 

طول عمركم سنع وزقرت .. سله فيها مجموعه من العلب الصغيره المغلفة وفازه رقيقة بزهور بنفسجية عليهم اسم البلوق 

قمة الذرابه والنزاكه

وانتوا بخير وصحه وعافيه والنجاح من بعد رب العالمين انتوا سببه بمتابعتكم وحبكم يعل ربي ما يحرمني :* 

وحده من العلب فيها هالشي الكيووووت .. جنطة سيلين تتعلق بالايفون او الجنطة 🙂

يا بختي والله :* 

كوكو هوو هاااا ؟؟؟ اللي مخسرتني بعد منهي كوكو شانيل 🙂 احبها الله يغربل بليسها 😛 

اذا تدورون هدية ذربه مرتبة وحلوة وتغليفها راقي مالكم الا دار هاء

Site Link    Instagram @DarHaa_Kw