بكل زياره لي لدبي اقول بروح اشوف القريه العالمية وسبحان الله ما تضبط معاي يا يكون وايد حر يا يوم ويك اند وزحمة السيارات لي الستار ونكنسل
هالمره لله الحمد ضبطت وسهالات 😀
وايد ناس قالولي وي ماعندج سالفه ليش بتروحين ماكو شي زايد عادية .. هذيل الله يسلمكم طلعوا وايد ماك جيكن يبون مولات وماركات وكفيهات وبس
اللي من هالموديل ماله داعي يكمل البوست 😛
المكان حده حده يونس وربعي اللي يحبون الاماكن الشعبيه والمعارض والمباركيه بيتشفقون على الروحه 😀
اول ما نزلنا من التاكسي شفنا هالقواري المكودين تأجرون القاري وترتزون ورا ويسوق فيكم العامل يوديكم اي مدخل تبونه علشان ما تمشون على ريلكم
رحنا الشباك وحجزنا تذكرة دخول قيمتها 10 دراهم للشخص
وانطلقناااا
ما شاء الله ماتوقعت المكان جذي كبير وكنا مخططين نتمشى شوي ونروح المول عقب لكن كلش ما يمدي قلنا نستمتع بهالاجواء الشعبيه الدوليه الحلوة ونتعشا ونستانس ونرد الفندق
مسوين لهم بحيره بالوسط وتقدرون تركبون مركب يدور فيكم .. تحسفت ماركبت :/
علشان اكون صريحه ماقدرت ادش كل الاجنحه ركزت على 3 او 4 اللي دشيتهم واولهم كان جناح الصين
وكانوا مسوين رقصة التنين بمسرحهم عند باب المدخل .. هذا لنك الفيديو
بصراحه احلى جناح يوووونس ما يبقى بجامات لليهال شراشف وجواتي والكترونيات واثاث واللي استانست عليه صج كل مكان اكسسوارات خواااتم تشوق
تقليد جواتي ميليسا شغااال
الفلاشات اشكال والوان على 15 و 20 درهم يعني اقل من دينار و 800 فلس وهني يبيعونهم علينا 5 و 10 وفوق
بوك ستاربكس ههههه كشخه سوووه ماركه
ومطاطير الماي الحار على الكهربا
وجان القى نوطنا بو 20 على بوك 😀
اكسسواراتهم اشكال والوان
واحلى شي البطوووله الاماراتية (برقع) زووووغه
طلعنا ولا هاللي يطامرون على المسرح يحليلهم افريقيين
اللي بيشوف رقصتهم هذا اللنك
بعدها دشينا جناح جنوب افريقيا وبصراحه كله عرب وذبحونا كلمن يصرخ علينا بصوب يبيونا نشوف بضايعهم مزعجين بصراحه بس شفنا فرقه قاعدين يغنون وهذا لنك الفيديو
يا زين الكويت زيناه 🙂
جناحنا فيه بعض محلات العطور الكويتية والحلواجي (الوطن) وغيرها من الشغلات
وحاطين برا واحد يغني وطيران وشغل عدل هذا الفيديو
تمشينا لي ما وصلنا لجناح تركيا
قبل لا ندخل لفت نظري مطعم تركي ما شاء الله الشاورما عنده شكبرهااااا
الجناح التركي وايد حلو بعد فيه بضايعهم من شالات واضاءات وحلويات ديلايت وغيره وحاطين واحد يرسمكم بورتريه وخطاط يكتب اساميكم بخط عربي على الصحون للذكرى
اللي بيروح جناح تركيا لا يطوف مصور حريم السلطان 😛
وناسه يلبسونكم ويزكرتونكم وتصيرون جزء من المسلسل خخخخخخ
الصورة على طول يطبعها لكم بقيمة 50 درهم
وجان نجرب البوظة التركية 🙂
يسوي حركات ويلفها فوق وتحت يالله يعطيكم اياها .. لذيذذذذة اكو جوكليت وفانيلا وغيرها
ابو الشباب يغني يا بوردين يا بو دانه وشقلنالج يا دانه زعلانه ههههههه
يبيع عرقسوس يمكن مادري والله بس قاعد عند الجناح الاردني
شاي كرك شاي كرك كرررررررك ههههه جذي يتكلم الهندي
شوفوا هالفيديو
عنده سمبوسه وكبه وخرابيط وطبعاً كــرك واللي ما يعرف الكرك اهو جاي حليب على الطريقة الهندية
حده عجيب
محل يبيع دشاديش على اعلام وشعارات الاندية .. يازين الكويتي بينهم 🙂
وصوب جناح الامارات لقينا ركن حق المأكولات الشعبيه .. حريم كبار قاعدين في كشك اللي تسوي لقيمات واللي تخبز الخمير واللي تسوي رقاق وتحشيه
هذا الفيديو
Global Village Site Link Twitter & Instagram @GlobalvillageAE
عليج بالعافيه
الجناح التركي عندهم صفيحة لحم بالليمون يسويها جدامج شي فضيييييع ويلفها جنها ساندويج
والجناح الهندي شالاته واكسسواراته هم حلوه
اانا عند نفسي مااطوف القريه العالميه وكل مااروح دبي.. و اشوف فوزيه دريع هناك
يا زينج ويا زين بوستااتج :**
حده عجيييب وشوقتيني أروح دبي وأزور القرية العالمية
الصور و التعليقات تحمّس ..
اكثر من مرا اروح و لا ازور القريه
بس هالمره ان شاء الله بزورها
شكراً ع التقرير
العفو اخوي نواف وان شاء الله تعجبك
يعطيك العافية خوش صور وخوش تعليق وأنا كنت الاسبوع الماضي في دبي وزرت القرية العالمية مرتين والشهر الماضي زرتها أيضا فعلا قرية ممتعة وتمنيت لو أنك زرت الجناح الفلسطيني أيضا
زيت زيتزن ولبنة على عدة نكهات وجبن نابلسي ومكدوس وتشبعين من الاكل كل واحد يريد يذوقك من منتوجاته وأخيرا فلافل على الطريقة الفلسطينية والسندوتش ب 5 دراهم بس
ان شاء الله المرات اليديدة نزورها ونزور اجنحه اخرى نغطيها 🙂
Comments are closed.