اختي كل فترة تختار مكان تلعب فيه عيالها الله يحفظهم وهالعيد ماكان عندي شي يوم طلعتهم فقلت اطلع معاهم
انزين وين بتروحين اخيتي ؟؟ جان تقول العاب مشرف اللي في ارض المعارض !! شخبااااااري ؟؟ بس يالله نستكشف المكان مع اليهال .. ماكان بنيتي اكتب بوست عنه ولا حتى ماخذه الكاميرا على بو رايحين مع اليهال و بس
لكن لما شفت الالعاب مالت الطيبين خبري خبركم 🙂
قلت لا يمكن يمر اليوم بتكون ججكجك حتى لو من كاميرا الايفون 🙂
تصدقون مع ان المكان داثر وقديم بس يونَس واليهال حدهم مكيفين الله يحفظهم واحنا ردينا يهال معاهم ومن شفت العروسة قلبي زااغ
شوفوا شوفوا الالعاب
اللي متابعني بالانستغرام يعرف وين رايحه وين راده وشايفين معاي على الهوى مباشره ههههه لكن هم لازم بوست 🙂
النم نم مادري من وين مطلعين الاسم .. على هالراس مال اللعبة المفروض يسمونها ام كحله ههههه
اما الدوده المفهية فهذي شي ثاني هههههه عجيبه
الويل والعاب اليهال ونيسة
ومع حنة اليهال الا نبي ندش اللعبة اللي تخرع ونخاف دخلنا انا مع منامن واختي مع النصري
خواااره لا تخرع ولا شي بس ظلمه ههههه
العروووووووووووووسه مالت سنه الف وتعميه وحطبة .. اختي طقت بريلها ماني راكبه اخاف ادوخ وانا خاطري فيها والله واخذ اليهال ونركب
الصراحه داااار راسي من نزلت واحس الدنيا قامت تدور ههههه الكبر شين
وعقب ماخلصنا نبي شي يبرد على جبدنا جان نمر عند هالريال الطيب يحليله سمح ومن شاف الكاميرا قام يتبوسم ويسوي حركات يا زين السماحه والله
حتى الاكل من ايام الطيبين البطاط والحلاو والككاو وايد اشياء قديمه على قولة الريال الطيب داااااه من ايااام الفراعنه خخخخخ
اقول الحين الجو حلوو اخذوا عيالكم واستانسوا وونسوهم .. جو حلو ووناسه والعاب رخيصه وكويسه 😛
يااااااااا حلوه هالمكان صح انا مرات اودي اعيالي اول قبل لا يكبرون طبعا للحينهم صغار بس اللحين جيلهم بروي و ماجك بلانت والالعاب 360
يااا حلوها العروووسة احبها اتينن وتري للحين تلاقينها في منتزة الخيران موجوده
يا حلوه البياع ايااام الفراعنة
الله يونسكم العافية ان شالله
Comments are closed.