كافيه بزه مشاء الله عليهم اسمهم خذا مكانه بين مطاعم الكويت وفروعهم موجودة بأكثر من مكان وبنفس الجو الكويتي المريح والديكور المودرن التراثي
A2Z آخر فرع تم افتتاحه هالاسبوع هو فرع كافيه بزه في
مكان مطعم ريتز سابقاً
اليوم كنت في كافيه بزه بفرعه اليديد والاحلى كانت الصحبة الجميلة لصديقاتي ايام الثانوية
خذينا راحتنا واستانسنا بالمكان الهادي المريح والاكل الطيب
هذي صور للفرع اليديد
بدينا بالمقبلات والشروكة اللذيذة
السمبوسة وسلطة بزه وجبدة الدياي وانواع من المقبلات الاخرى مثل الباكورة والكبة والبطاط والسمبوسة
غرامي سمبوستهم الجبن وايد احبها
خبز التنور مع البطاط والبيديان
خبز التنور مع لبنه وزعتر
الفيمتو مشروب رمضان لكن مايحلى بغير رمضان الا في بزة مع الثلج المجروش شي يسرسح
وبالاخير قررنا نحلي بحلوياتهم اللي ضافوها مؤخراً على منيوهم
حلو الككاو وحلو الكابتشينو وايس كريم بزه وحلو القيمر
كلهم لذيذين ونفس طريقة الحلو اللي نسويها بالبيت ناطعين لكن اكثر شي حبيته الايس كريم يبرد على القلب
القهوه التركية والفرنسية ملزومين نشربهم مع الحلو
جويهه تقعد الراس
حليب الزعفران ناااااطع
وضيفونا بالاخير بالقهوه العربية
A2Z وآخر صورة لستاف كافيه بزه في
كل الشكر لكافيه بزه واخوي العزيز سعود العنزي على حسن الضيافه ولمدير الفرع محمد على مجهوده الكبير 🙂
Cafe Bazza (A2Z) Located in Shuwaikh, Industrial Area
حلوو كتير .. ممكن سؤال يا بنك .. التوب اللي انت لابسته بالصورة كتير حلو … ممكن اعرف من وين.
شكرا
توب صديقتي من ريفا
ماشالله عليه كل ماله يتوسع كااافية بزة بس تري على فكرته مطاعم ريتز اهوه نفسة صاحب كافية بزة الله يوفقهم يااارب
اي صح نفس الشركة
آمين الله يوفق الجميع
a2x اللي في منطقة الشويخ صح
اي
Comments are closed.