Review : @KoutWay Kuwaiti Fast Food Restaurant

by // // Comments off

من بدا رمضان ما سويت تقرير عن مطعم يديد وبنهاية رمضان حبيت اجرب مطعم توه فاتح من اسبوع

اسمه كوت واي ومختص بالوجبات السريعه لكن مو البرجر وربعه شي يديد سريع لكن كويتي 

مجابيس ومربين ولبن والذي منوو يم يم منوو ما يحب اكلنا وبعد سريع خووش شي

ديكور المطعم يشوق وحتى الرسمه الشيف كويتي ولابس الشماغ 🙂

الكراسي ذكروني بكراسي المدرسة اول يونسون

حبيت هالطوفة عجيبة 

والمنيو مكتوبة بالطباشير وبخط الايد

ثلاجتهم وفيها المشروبات وبعض المعابيج  .. وهذا لاهوب نوع من الفلفل عندهم وتقدرون تشترونه اذا ماني غلطانه

عصاير .. تشوق طريقة تقديمهم بهالبطول 

هذا المنيو كامل

وهذا طلبي للسحور مشاء الله عليهم دقيت واقل من 5 دقايق الطلب عند سيارتي

مجبوووووووس دياي كنت حدي مشتهيته من بدا رمضان ونادر مانشوف عيش على السفره .. طلبت وجبة مجبوس دياي مع السلطة والماي وايي معاهم الدقوس والفلفل

لذيذذذذ استمتعت فيه 

دقوس وفلفل والحياة حلوة 😀 

وبطاطهم مع صلصة لذيذة 

مجبوس من غير لبن شلون يصير عاد ؟ لبنهم لذيذ بس ثقيل زيدووه ماي ويصير عجيب

المطعم وايد عجبني وان شاء الله لي روحه ثانيه نجرب المربين يمدحونه 🙂 

مكانه في السالمية – شارع بغداد بجانب لابجيت ومطعم دودو

Twitter & Instagram @KoutWay

About the author

PinkGirl
PinkGirl
Traditional Kuwaiti Girl, i have the passion of blogging and updating my readers for any thing new at K-town.

9 comments

  1. Pingback: Review : @KoutWay Kuwaiti Fast Food Restaurant « Blogs Updates
  2. iMaGiNaTiOn says:

    ما شاء الله ، شكله يشهي حيل .. عليج بالف عافية ، ان شاء الله لما ارد الديرة اجربه . استانس على المطاعم اللي تقدم اكل كويتي ، وهذا شكله من النوع الزين وعندهم ابتكارات . الله يوفقهم

  3. Mariam says:

    صايمين و نشوف هالاكل الزين … يارب ان شاء الله تكون لي رحلة للكويت قريب عشان اجرب هالمطاعم الزينة ..

    بالعااااااافية

  4. sugar says:

    حده عجيب انا مجربه مجبوس اللحم نااطع ويذوب انصحج في وبقوه

Comments are closed.