وصلتنا الاسبوع اللي طاف دعوه بجيس قرقيعان مجكنم من شركة زين للاتصالات لحضور حفل القرقيعان المقام في فندق الريجنسي قاعه مها
طبعاً بما ان حفلة قرقيعان اغلب الحضور كان معاهم عيالهم او اخوانهم الصغار 🙂 فأول شي يستلمونه جيس القرقيعان ويعلقونه برقبتهم 🙂
كل طاولة مزينينها بدلة قهوه ومرش او بوم ومهفة وزبيل متروس من القرقيعان الزين
وهلال رمضان كان عندنا اليوم بالقاعه 🙂
فعاليات كثيرة خارج القاعه للاطفال مثل رسم التاتو وفن تزيين الشعر وشعر البنات والبالونات وغيرها
وضيفونا بالعصاير الرمضانية والموالح
والقهوه العربية الزينه
النوري ونقصتها من اللقيمات الملونة لسويرة 🙂
عريفة الحفل كانت المذيعه سالي القاضي
دخلوا علينا فرقة اطفال يحلوهم يرقصون ويقرقعون
واقاموا مسابقات عديدة للاطفال والكبار
واليهال يازينهم زهبوا جياستهم حق القرقيعان وهذا ميشوو يازينه اسم الله عليه ناطر نصيبة
وماقصروا موظفين زين وزعوا القرقيعان بنفسهم على الحضور
مفاجأة الحفلة كانت حضور الفنان المحبوب بشار الشطي والفنانه المتميزة مرام
وايضاً شعيب الهاجري ..مرام ياحلوها يايبة معاها بنياتها جنان وجمانه وقرقيعانهم بعد وياهم
هذا قرقيعان مرام وعيالها 🙂
وهم زين قرقعوا علينا
وهذا بوفيه الحلويات اللي كان بانتظار الحضور
كل الشكر لشركة زين للاتصالات وموظفينها اللي ماقصروا معانا ودايماً مونسينا الله يونسكم بالعافية وعساكم من عواده يارب 🙂
يجنن خيال روعه وش زينها
مبروك عليكم الشهر وحده عجيب ها القرقيعان
علينا وعليج حبوبة
el geimat e9ara7a kanat raw3a mn kether ma ana knt mstansa 3alehom neset’hom t7t e6awla lol 😛
looooooooooooooooooooooool ya welch menha hehehehe
Comments are closed.