قريت قبل جم يوم بوست في بلوق شاي الضحى عن فروزن يوقرت يديد اسمه توتي فروتي
واخيتي نفسي تحب اليوقرت فعزمتها ورحنا نجربه
مكانه في السالمية مجمع سلمى بالشارع اللي مقابل الجامعه الامريكية
المجمع هادي فيه محل اليوقرت وكافيه وفوق اعتقد مطعم مأكولات خفيفة
عندهم 6 انواع يوقرت
النون فات العادي والرقي والمانجو والفانيلا والموز
انا اخترت الرقي اهوو اكثر واحد عجبني واختي خذت رقي وعادي
عندهم فواكهه بس حسافة الاختيارات شوي وجيــلي
وجوكليت ومكسرات وبسكوت ومارشميلو
وعندهم بعد 4 انواع سوس فراولة وجوكليت وكراميل ومانجو
هذا يوقرتي .. بس اذا رحتوا قولولة لا يحط توبنق وايد لأن خرب على طعم اليوقرت 🙁
Tell : 25711177
بالعافيه
عيل انا جربت الرقي ما بلعته
والي عجبني ان ماكو طعم روب لان بينك بيري لما يذوب شوي طعمه مو حلو ويبين روب
ولاكوجا الاوريجينال مو حلووووو روب
واحلى شي بمكانه ان هادي بس وقت دوام الجامعه زحمه
الله يعافيج حبيبتي جايونة .. عيل انا عكسج ذقت المانجو والعادي بس عجبني الرقي 🙂
عليج بالعافية حبيبتي
الله يعافيج
يبيله
باجر بروح اشتريلي عندي موعد دكتور بالسالميه و بمر عليه
بجرب المنجا و الكاكاو انا مجربه يوغرت كاكاو في دبي و كان عجيب
بالعافيه
ماعليه بدش عرض بس اذكر في بلوقج القديم كتبتي عن واحد بدبي ومدحتيه
شسمه وأي مجمع؟
الله يعافيج حبيبتي .. اسمه فروزن يوقرت فاكتوري في دبي مول صوب السينما
انا والله كل يومين اروحله واللي عجبني اكثر جوز الهند بس الحين مو حاطينه قالةلي بعد فترة بحطونه بس المانجو وايد عجيب والفانيلا
بالعافية 🙂
Comments are closed.