واخيرا رحت المطعم الايراني شيرين بانو
هذي واجهة المطعم او اللوبي و فيه بس الكباين الكبيرة الخاصة بالعوايل
الضيافة الخضرا والجبن والزيتون
على كثر ما سمعت مديح بهالمطعم الصراحه ما حبيته الحمص حلو الورق عنب مو شي الكباب ثقيل وايد والعيش الزبدة طافحه مادري هذا رايي مع ان اختي تقول وايد لذيذ
بالعافيه حبيبتي بس الله يهداج مطعم ايراني وورق عنب و حمص ؟؟؟؟ مالهم
بهل سوالف ابد كلشششش المفروض تطلبين كشك باذنجون و ماست موسير هذي مقبلات ايرانيه عجييييبه
الله يعافيج .. لوول انا سوالف غريبة ماحب اجرب والحمص عموما كان حلو بس الورق عنب الله يزيد النعمة
انا رحته من زمان مره وحده وكان وااااااايد لذيييذ
عقبها بجم شهر اهلي راحوا مره ثانيه جان يقولون انه الاكل تغير وصار كلش مو حلو
الظاهر تغير الطباخ
وبالعافيه
الله يعافيج .. يمكن والله ليش لا لأن انا ماحبيته مولية
رحت له مره أنا وريلي. الاستقبال عندهم كلش مؤ شيء. كل ما قعدنا بطاوله قومونا منها على أبو أنها حق 4 أشخاص ويبي يقعدونا بطاوله بزاويه محكوره جان يغضب ريلي وكلم المدير جان المدير يقول أنتو شخصين ولازم تقعدون هني على كيفهم عبالهم. المهم طلعنا ورحنا شابستان اللي يم حديقه الشعب عجيييب أكله وقعدته راقيه مؤ مثل بانو ما حبيت قعدته كلش ولا استقبالهم الحار
عاد احنا كنا اثنين واخترنا الطاولة اللي نبيها مو بكيفهم
Well I used to order kabab sultani and I really love their food, I know its heavy but I can’t resist it
bel3afya 🙂
عليكم بالعافية أنا رحت له قبل تقريبا 3 أشهر و قررت ما أزوره مره ثانية.. مستوى الأكل مو شي و لو مجربين مرق الشبزي جان فهمتي قصدي .. مرق فاصوليا حمره مو شبزي كلش … أحلى مطعم إيراني بالدنيا عني الصراحة اهو حاتم اللي بدبي صج أكله إينن … و المطعم الإيراني اللي بفندق كراون بلازا الفروانية
الله يعافيج اختي .. الشبزي والله ماذقته اختي عجبتها البامية .. حاتم قعدت فيه مره في ابن بطوطة وشفت شعره ولاعت جبدي حطيت عليه اكس والايراني اللي بكراون بلازا اليوم رفيجتي تمدحه ان شاء الله بجربة بالمستقبل
انا رايي من رايج أشوى مو بس احنا اللي ماعجبنا خبونا عليه وهو جدا عادي من وجهة نظري الخاصة بس التجربة بشكل عام حلوة
اي والله التجارب حلوة وتغيير مكان يديد
عليكم بالعافية
بس على الردود اللي قريتها محد شجعني أروحله
الله يعافيج .. الناس اذواق يمكن اللي يعجبج مايعجبنا والعكس 🙂 يمكن تحبينه انا خواتي يتشرقون فيه عكسي تماما سبحان الله
Comments are closed.