مرت سنه !! العام عزمتنا شركة زين للاحتفال بيوم الجوكليت العالمي في جوكليت بار سبونز وهالسنه صارت العزيمة اكبر والعدد اكثر واحتفلوا معانا ايضاً في جوكليت بار لكن هالمره بالبدع 🙂
الطابق اللي فوق كان محجوز بالكامل لزين وهالشي خلى القعده مريحه اكثر خصوصاً انه اغلبنا نعرف بعض عدل مدل والسوالف تحلى خصوصا مع وجود الذ جوكليت 🙂
البداية كانت مع شراب الشيك مع البراوني بااااااارد وعجيب
بدينا بالعشا وكان اختياري للشيدر ساندويتش مع الفرايز
والكل انشغل مع الساندويتش والسلطه والباستا ومالذ وطاب 🙂
وفجأة بوضروس و وراه الدله والفناجين .. بعد منو غيرها النوري الحبيبة وصلت ودلتها معاهاااا .. احلى شي ككاو وقهوه عربية ايبااااه
واو هالمره زين فاجئونا بكيكتين للاحتفال بيوم الجوكليت 🙂
خوش اضافه للمنيوو .. جوكليت بار فكروا فيها ترى اكوو جماهير غفيره للقهوه العربية وزيدووو الهيل .. عدل انسام ؟ 😉
تسلم ايدج النوري خووووش قهيوة
وفجأة ككاو ككاو و هم ككاو .. مفرحات في كل مكان
شكراً لشركة زين للاتصالات و هلا وبيبي على العزيمة الطيبة واليوم السعيد .. استمتعنا بالجوكليت الزين يا زين 🙂
e9ara7a estamta3na bel ga3da! wallah mn a7la elga3dat 😀
i agree, can wanasa
بلا تصبوا هالقهوة وزيدوها هيل
واسقوها للنشامى ع ظهور الخيل
عدل عدل زيدو الهيل – قصة لن يفهمها إلا من شرب القهوة الفرنسية بالهيل
خوش خوش عاشت انسام توفيق ههههههه
اي والله خووووووووووش قهيوة ام الهيل 😀
A7la el ga3dat khesosan ena kan el door kela lena fa makhtheen ra7atna hehe 😀 Wela chan’ha 3azemat shareka hehehe chena banat 6al3een weya ba3ath yestansoon walla hehe 😀
اي والله خوووش قعده واحلى شي انه انتي اللي مجابلتني 🙂 ماقصروا والله
:)ما شاء الله خوش عزيمة فيها كل ما لذ وطاب وبالعافية عليكم
اخت بنك قيرل في كلام ودي اقوله واتمنى انج تنشرين تعليقي, وانا واثقة فيج و واثقة انه يهمج راي قراء مدونتج.. وعلى فكرة انا متابعة المدونة من اول بوست كتبتيه..
اختي انا ملاحظة من فترة ان الشركات و بالأخص شركات الهواتف المتنقلة تركز باحتفالاتها على فئة قليلة ومعينة من الجمهور وهم فئة المدونين متناسين الشريحة الاكبر وهم عملائها.. تقدر الشركة تسوي مثلا يوم الشوكليت في احد المجمعات و توزع عينات بسيطة عليهم, وبجذي تكون فرحت اكبر شريحة من الناس الي اهم اساسها ولولاهم جان مافي شركة اصلا.. لكن للاسف اغلب الشركات تهمها الميديا دون الالتفات لرغبات جمهورها..
بالنهاية اتمنى انه يوصل صوتي للمسؤولين عن طريق مدونتج الاكثر من رائعة حقيقتا
ومشكووورة مقدما :))..
الله يعافيج حبيبتي .. بالعكس اكيد الشركة تحب تسمع اقتراحات عملاءها ومهتمين يقرون التعليقات 🙂
Comments are closed.