اليوم قعدت من النوم وبخاطري فرينش توست وبما ان اليوم اجازة ومافيني مزاج للطلعه
قلت ادخل المطبخ اخبص بروحي واجرب اسوي فرينش توست منزلي 🙂
واسهل من هالمقادير اللي متوفره في كل مطبخ ماكو : حليب سائل – سكر – توست – بيض – زبدة
خلطت البيضة مع اقل من ربع كوب حليب وقفشتين كبار سكر
وحطيت شوية زبدة على المقلى علشان نحمر فيهم التوست
نغمس التوست في الخلطة ونقليها بالوجهين
تراتاتااااااا الفرنش توست جاهز .. في ناس يحبون يرشون عليه سكر بودر او عسل او حتى نوتيلا بس انا حبيته سادة لذيذذذذ وسهل وماياخذ وقت كلش كلش
واحلى لقمه للي تحبه 🙂 وبالعافية
عوافي وان شاء الله اعملها بكره الصباح
الله يعافيك يارب وبالعافية مقدما
Never tried the recipe with adding sugar to the mix before, it was ‘egg’cellent! Thank you for sharing 🙂
u welcome, do it with sugar and enjoy 🙂
يميييييي !!!
يعطيج العافيه
هاي وجبتي الفضله على الريوق
بس ما شاء الله بعض الفنادق يضبطونها بطريقه عجيبه فتطلع خفيفه ولا فيها اي اثر لزبده او زيت
الله يعافيج حبيبتي .. صاجه شغلهم 🙂
بالعافية حبيبتي طيوب شوفي انا اسويها حقي وحق اعيالي بس بدون الحليب بس البيض مع ملح وفلفل اسود و اخر شي احط عليه جبنه اسلايس كرافت يمي يمي بس بجرب احط معاه الحليب جايز تكون لذيذه
الحليب يسويها سوفت اكثر ليييييينه وان شاء الله تعجبج
Comments are closed.