عادة تسجيل المسلسلات والبرامج وحتى الكرتون موجودة كانت عند اغلب الكويتيين قبل ظهور اليوتيوب والسوشال ميديا خصوصاً بالمواسم مثل الاعياد الوطنية ورمضان والعيد وغيرها ويمكن شهر رمضان المبارك كانت فتره خصبه للفيديو يشتغل بضمير
VHS و Betamax جيلي لا تقولون ما لحقتوا على اشرطة ال 😛
على فكره هالتراث الغالي على قلبي ليلحين احتفظ فيه من الاثنين 🙂 وصعب التفريط فيهم بصراحه رغم وجود الديفيدي لكن لهم معزه خاصه
المهم بما ان ما بقى شي على شهر رمضان وكل سنة الوالد ينقل لنا بكراتين الاشرطه قبل شهر علشان ما يخلصون من السوق وبقولكم شي بس لا تعلمون ترى ليلحين فيني طبع التسجل خاصه برمضان 🙂
تذكرون بعد صلاة المغرب يحطون لنا مسلسل كارتون يديد ونتسبه ماندري ناكل ولا نجابل التلفزيون هههههه يا حلو ذيج الايام توتا في كوكب المريخ وسالي وفلونه ولولو الصغيره وغراندايزر والسنافر والشناكل والسندباد وربعهم .. اراهنكم لو افتح لكم واحد من الاشرطه بيرد لكم تسبهه اول وبتجابلون الشريط طول اليوم باختصار لأنه قبل غير وكل شي فيه غير ومهما نعيد فيه لا يمكن نمل ونرد نشوفه مثل ما شفناه اول مره
بعد المسلسل الكارتوني كان تلفزيون الكويت بعصره الجميل يعرض اجمل واحلى مسلسلات الاطفال كانت الميزانية بذاك الوقت مو مهمه كثر القيمه والهدف اللي يقدمه المسلسل .. كان الصرف على الملابس والاغاني والديكور وكانت اغلب اعمال الاطفال تراثية مثل الغرباء والمغامرون الثلاثة وجحا ومدينة الرياح والطماعون وكلها كانت مكلفه مادياً لكن ممتعه ومتابعه من كل اطفال الخليج .. اما الحين مع الاسف ما قمنا نشوف هالاشياء الحلوة وجان زين لو يردون تنعاد لنا مثل هالمسلسلات وياخذونها كفكره ان كل رمضان يعيدون لنا جزء مما قدم في سنوات المجد ويطلعون لنا كنوز الارشيف بدال ارشفته والغبار اللي عليه
الساعه 10 كان موعد مسلسلات الكبار ويبدا المداحر بين الوالدة والوالد وبينا ناموووووووو ناموووووو لا نبي نشوف المسلسل الله يخليكم بس نشوفه واناااام هههههههه موال كل يوم ويا زينه من موال مو الحين كل واحد بغرفته وسهر لي الفجر
مسلسلات منحفره بالذاكره مثل خالتي قماشه وعلى الدنيا السلام والدانه والاسوار ودرس خصوصي ودرب الزلق والاقدار وغيرها من المسلسلات الكويتية الجميلة الهادفه الراقيه بالطرح
اتذكر برمضان كانوا يحطون مسلسلات ال 30 حلقه وبغير رمضان كان فيه مسلسلات بو 15 حلقة او ثلاثيات وسباعيات وسهرات بعد الحين ماكو الا 30 حلقه وبس
وما يمر العيد الا واحنا رايحين هالمسرحيات الزينه واغلبها كان يعرض على مسرح كيفان ومسرح سينما السالمية ولازم عقب المسرحية ندخل نصور مع الممثلين ونعطيهم وردة ومانطلع من المسرح الا شريط اغاني المسرحية الكاسيت بالإيد ونحفظه صم اكثر من دروسنا 🙂 هههههه والله ايام حلوة
وبعد ماتطلع المسرحية على الفيديو نأكد على شريط الكاسيت اللي حفظناه ونغني معاهم ههههههه تذكرون ؟ لو البس فستان جديد جنطة بإيد ووردة بإيد .. ولا اممم شتعرف عن النعامه ؟ النعامه طير كبير له جناح وما يطير .. بعد شنو شنو تذكرون ربنا يحرسج حقنا يا ديره الاجداد انتي هوانا وحبنا وانتي اعز بلاد كلنا نحبها الكويت والله نعزها الكويت 🙂
خل اذكركم بجم مقطع من الايام الحلوة
وهالسنه حاطه عيني على ساهر الليل 3 ومزهبه اشرطتي وبسجله ان شاء الله خصوصا انه بيتكلم عن فتره من الفترات الاليمه للكويت الله لا يعودها ويحفظ ديرتنا
قولولي الحين من اللي كان يسجل ؟ ومن اللي ليلحين مستمر بالتسجيل ؟ 🙂
لووووووول شخباري والله بينك رجعتينا ٢٥ سنة ورا، أنا كانت عندي هواية التسجيل بس شي غريب، كنت اسجل الدعايات وحدي استانس عليهم مثل دعاية همبرجر الديره من هارديز والارنب الجائع وعصاير شيرين وابنديرادو وغيرها من هالدعايات الطيبة
chaieek 3la youtube channel pinkyaa that was me 😛
لووول برد البيت واجيك
lool was super channel 😛
نفس هوايتي بالضبط امووووت على شي اسمه دعايات
وين دعاياتكم حطوهم خل نتطمش 🙂
ناوية ان شاء الله اسوي قناة باليوتيوب وانزل فيها الدعايات
عاد لازم تبلغينا نتابع 🙂
ملك الدعايات كنت لووول
الله ايام حلوه
اذكر كنا نستانس لما يكون الشريط يديد
ويكون داخله الستيكرز نلزق هههههه
اي والله كنا نسجل غير المسلسلات والمسرحيات، الدعايات
والأغاني خصوصا الوطنية
لان اول كان صعب نحصل الشي اللي نبيه بسهوله فنسجل
اي الستيكرز هذا بروحه شغله تونس ههههه
اي صاجة الاغاني الوطنية من الاشياء المهمه حتى حفلات العيد الوطني
LOL ana azedich mn el she3er bait hehe ana omi o oboy kanaw yadreson bara leman kent esgheera.. Enweladt bara bs radoni el Kuwait o 3ala ma kamelaw derasat’hom o radaw hehe fa kel sena kanaw eredon bl saif aw el eshtaaa weyahom ashre6at el Betamax 3alaihom “Thundercats” “The Aristocats” o ghaira LOL! o lal7en 3endi yahom hehe 😛 Ana akher mara sajalat shay kan ayam Star Academy 1 LOL! Shakhbariii gabel 10 years taqreban LOL!
Now allah e3afee el YouTube! 😛
wanasa la etge6enhum ashre6tch toraath 🙂
me2 kent emsajla ashya2 ayam bashar 😛 hhhhhh 7ta photograph 3nde kena emsawen small prime fe albeet labsen t-shirts 3la 9orat bashar o metyam3en 7eta mama allah yr7mha o baba labsen 😀
لووول
انا ابوي قبل رمضان كان اييب لينا أشرطة بو مادري كم ساعة. و في الفيديو اكو شيء تخلينه يسجل دبل الوقت بس بكوالتي اقل شوي و حيل طايحين له! أيام و الله
على فكرة انا ليلحين اسجل بالفيديو مالي و ما اعترف بالهاردسك اللي في الرسيفر! لازم أوريج الكولكشن مالي ضروري!
ذكرتينا بالزمن الجميل شكرا لك
العفو اخوي 🙂
Allaaaaah !! Nafs sho3oori .. Amoot 3ala hal ayyam 😉 khoosh post pink!
Thank u, a7la ayaaam JAMELA 🙂
ذكرتينه بأيام نروح محل أشرطة الفيديو وأحتار ما أدري شاخذ
وبالبيت مزهب الفيديو عشان أسجل ويضيق خلقي إذا طافتني حلقة
اي احنا ما نطلع الا لما نسجل الحلقة ولا يصير عندنا ازمة ههههه
ذكريات جميله و اعتقد اغلب الناس كانت تسجل على الفيديو
طبعا الاحتفاظ في الاشرطة سواء الفي اتش اس او البيتامكس
ولازالوا موجودين حتى الفيديوات القديمة محتفظ فيها
و عمليه التسجيل لا تزال قائمه و لكن الاختلاف انه الان مع التطور اصبح
التسجيل على الهارد دسك او الفلاش ميموري لانه التخزين اصبح على
الكمبيوتر او السي دي لتوفير المساحه و سرعه النقل و غيره من المميزات
ولابد من مواكبه التطور و التعايش مع التقنيه الحديثة
شكرا على البوست
العفو اخوي وزين تسوي التطور حلو بس الطيبين احلى 🙂
لوووووول ذكرتيني .. انتو تسوون نفس حركتنا !!
المسلسل المحلي ، مسرحية الاطفال ، المسلسل البدوي ..
لازم انميزهم عن بعض ,, يحليلنا ..
والله كانت ايام حلوة 🙂
اي لازم انميزهم هههههه
الله ياطيوب ذكرتيني بابوي الله يرحمه صج كانت ايام وانا وخالد اخوي كنا من الناس اللي تسجل وابوي الله يرحمه كان يجهز لنا كراتين الاشرطه يشتريهم قبل رمضان واااي طيووب وين قطيتيني بذاكرتي
الله يعطيج العافيه على هالموضوع الممتع
الله يرحمه ويغمد روحه الجنه يارب.. ماضي جمييييييييييل
اي والله جميل
الله يرحمه ويغمد رويحته الجنه .. الله يعافيج يا حياتي .. احنا هالاشرطة من تجهيزات رمضان لالالازم لوول
آنا كنت اسجل مصارعه حره!!
اي كل واحد واهتماماته 🙂 انا عماتي كانوا حتى المباريات يسجلونها 🙂
ولله وحشتني هالأيام ولله يا ليت لو ترجع :”(( و لله كانت ايام ولا احلى
جان زين ترجع والله
I miss those good old days.
Awesome post Pink u always bring back those wonderful 90’s & 80’s memories.
thank you mohd, i really miss those days, wish i can get back to 80’s and get up morning for school, come back to open the tv to see sanafer 😀 eat machbos and learn with my mom allah yr7mha o tekfa5ne etha ma entebaht hehehe
Comments are closed.