يسرني ان ارحب بالراعي الجديد للمدونة مطعم المرســى
ويقدم المأكولات البحرية بطابع كويتي تراثي جميل Le Royal يقع المطعم بفندق
ابتداء من الديكور الخشبي والباسجيل والسراي وايضاً شعار المطعم البوم اللي يستقبلكم اول ماتدخلون
مروراً بالمؤثرات الصوتية من الحان قديمه جميلة بعزف حي او بعرض فيديو لمختارات من اجمل مسلسلاتنا القديمة مثل درب الزلق وانتهاء بالمأكولات البحرية الطازجه المطبوخه على الطريقة الكويتية اضافه الى طريقة التقديم ايضاً
المطعم فيه صاله معزوله شوي تنفع للعزايم العائليه الكبيرة والحفلات الخاصة واجتماعات العمل
استقبلونا بالتمر الطيَب والقهوه العربية الناطعه
واستلمنا المنيو لأختيار اطباقنا
وفيه مكان لعرض الاسماك والربيان الطازج ويمكنكم اختيار سمكتكم بأنفسكم
وصل الخبز الحار من التنور ومعاه مجموعه متنوعه من المقبلات مثل الحمص والمتبل والمخلل والسلطات وغيرها
والسمج ينشوي على النار بالمطبخ
والحين وقت الهجوم .. انا ما احب السمج لكن الربيان صديقي الصدوق وهالمره جربت اللوبستر وعجبني بعد
ام الربيان بتتبيلة الحلو والحشو .. وايد وايد لذيذة مالكم شغل بويهه اللوبستر ترى الطعم عجيب
ام الربيان ثرميدور امبي مووو صج حده طيـــَب ولذيذ
ربيان مقلي بالبقسماط مع صلصة الترتار .. محد يقدر يقول عنه الا يم يم
خطير خطير خطير جداً ربيان كبير مشوي
ربيان مشوي صغير لذيذ بعد
حمسة ربيان حاره وعجيبة خصوصاً مع العيش
مطبق سمج .. ماكليت منه بس مبين لذيذ
قباقب وايد مدحوه
شيم ونقرور مشوي
وبعد هالاكل الزين صار وقت جاي الدوة المخدر
وطبق منوع من الحلويات .. ام علي عجييييييييييبة ومحلبية وايد لذيذة اضافه الى البسبوسه واللقيمات وبلح الشام مع بعض انواع الفاكهه الطازجه
وختمناها مع القهوه الفرنسية والتركية
شكراً لمطعم المرسى, الاخ سعود العنزي والاخت هند على استضافتنا بهالمطعم الطيب
AL-Marsa Located in Le Royal Hotel, Bnaid AlGar, Gulf Road
Tel : 22549017 – 65150276
Twitter @AlmarsaKw Instagram Almarsa
