لأنه السنه اللي فاتت وايد استانسنا بأتلانتس قررنا نعيد التجربة هالسنه خصوصاً انه عطلتنا وايد قصيرة
كتبت بوستات كثيرة عن الفندق ومرافقة ومطاعمه وهالبوست فيه تفاصيل الغرفه اللي قعدنا فيها العام .. اضغط هنــا
THE TERRACE SUITE هالسنه جربنا ال
سويت مكون من غرفه جلوس وغرفة نوم وتكرمون حمامين وغرفة تبديل اضافه الى تراس (بلكونه) كبيرة مطله على البحر وحمام السباحه الرئيسي
السويت وايد وسيع مشاء الله وشــرح واخترنا يكون بالويست تاور لأنه المكان اهدى
تكرمون الحمام مو ناقصه شي مايحتاج تييبون لا فرشه اسنان ولا معجون ولا سليبر ولا روب ولا فوط كل شي متوفر حتى السشوار البروفيشنال
مو ناسين شي حتى الشمسية معلقة وجنطه للشاطيء بعد 🙂
ترحيبهم كان كالعادة مع سلة الفاكهه الفريش اضافه الى علبة جوكليت راقية
وهذا المنظر من التراس 🙂 الواحد ما وده يطلع واحلى شي الصبح كوفي وتجابلون هالمنظر العجيب .. عمار يا دار زايد الله يزيدكم ويرزقنا مثل هالاماكن الحلوة بديرتنا
لتفاصيل اكثر عن السويت اضغط هنــا
اي والله الله يرزقنا عليكم بالعافية و حمدالله على السلامة
الله يسلمكم والله كريم 🙂
الحمدللة ديرتنا فيها فيو احلا من هذا بسويت ميسوني و فندق رجينسي بس الكويتين الله يهداهم كله جذي
الحمدلله الله رازقها ديرتنا ماعلينا قاصر و عليج بالعافيه
الله يعافيج حبيبتي .. عندنا فيوو لكن وين العمران !! ميسوني حلو لكن مو بضخامة مباني وفنادق دبي
ماكو مقارنة حبيبتي نحب الديرة وديرتنا ماكو مثلها بس ليش نقص على نفسنا احنا تأخرنا واهم تطوروا والله كريم
قعدت بهالسويت السنة الي فاتت لما رحت شهر 9 و كان عجيييييييييييييييب
العيب الوحيد اني رحت بشهر 9 و الجو رطوبة مو مال قعدة بالبلكونة
Comments are closed.