مطعم فريج صويلح من اشهر المطاعم في الكويت لتقديم المأكولات الكويتية وبطعم لذيذ يشبهه الى حد ما اكل البيوت
سبق اني جربت اكلهم لكن في البيت ولا مره زرت مطعمهم واكلت عندهم
الى ان سنحت الفرصة وكان بخاطرنا عيش وقلنا نمر فريج صويلح
الديكور من الباب الى حد الطاولة كويتي السقف جندل وكباين العايلات جنها بيوت طين والاستقبال الويترز وزار والبنات اثواب
الكباين يشوقون
وفيهم جرس علشان اييكم الويترز
كل كبينه في دجة اهي الكراسي والطاولة
وهذي العيوش اللي عندهم يم يم واخترنا موَش ربيان يابس
ووصل الاجار والمعابيج والبصل وربعه
الموَش حده حده لذيذ وايي معاه دقوس الطماط
طلبت لبن كان حااااااااااااااااااااااااااااااار واستغفر الله طعمه كلش مو شي ما انصحكم فيه
وبعد ما كلينا وعيَنا من الله خير طلبنا الفاتورة ويابولنا مجاناً لقيمات الله يزيد النعمه مو حلوة طعمها دهن وقهوه عربية
وهذا دكان يبيعون فيه الحلويات الكويتية والبقصم وغيرها من الاكلات التراثية
فريج صويلح في السالمية – شارع سالم المبارك بجانب المارينا مول
Tel : 25755991
اسلوبج يهبل ما شاء الله علييج ومواضيعج تينن !!
والبلوق الوحيد اللي احس اندمج فيه
موفقه يا رب
ومتابعين كل يديد
=)
بعد قلبي من ذوقج تسلمين :*
يم يم …عليج بالعافية عاد تدرين ان شكثر ناس اعرفهم يموتون على لقيماتهم….. احنا مو ذابحنا الا تقارير الاكل والمطاعم لا وبعد نسوي ريجيم اي ريجيم اي بطيخ
الله يعافيج حبيبتي
مادري والله بس كانت كلش مو شي طعمها زيت مقلي 🙁
اعوذو بالله من الشيطان الرجيم 😛
سبحان الله لانهم مو دازين لج دعوة ذميتي اطباقهم
حبيبتي انا ما علي قاصر الحمدلله بنت عز مو عشان دعوه اذم ولا امدح
بعدين انا ذميت اللقيمات والعيش بالعكس كان رائع
روحي ذوقي اللقيمات وبعدين ردي وعلقي مو بس تتقولين وتظنين بالناس السوو اعوذو بالله منكم
خليها تولي محترة الي قاعدة تفلسف
كالعادة بوستاتج حلوة و ممتعة ماقصرتي
هههه عصبت شوي حرتني
حلت دنياج حبيبتي
احب بلووووقج وايد ومواضيعج وتصويرج رووعه
بس اول مره اشوفج تذمين كل مره الي يعجبج تمدحينه والي لا ماتتكلمين عنه
ووهالشي حلو عشان نعرف شنو نختار
حبيبتي من ذوقج يالغاليه
لأنه اللي ذميته ما ينوكل موليه اللقيمات دهن دهن مو صج
واللبن والله من حرارته جنه فرن ومافاد فيه الثلج
Comments are closed.