قبل مدة وصلتني هدية وايد كيوت من مطعم زهر الليمون عباره عن باقة من الكوكيز اللذيذة بالحبه السودة
ومعاها دعوه لتجربة الاكل اللبناني بفرعهم الجديد في الافنيوز
وصار الوقت 🙂 واخترنا فترة الغدا يكون الافنيوز فيها اهدى من الليل علشان ناخذ راحتنا
وايد حبيت ديكورهم والالوان اللي مختارينها حسيت جني قاعده بحديقة
الليتات وايد عجبوني فكرتهم عجيبة
المنيو منوع .. سبق اني جربت زهر الليمون في 360 مول وما كانت تجربتي زينه وفهالمرة كنت رايحه وصج بخاطري اشوف اذا تغير طعم الاكل او لأ
اول شي وصلت سلة الخبز مع الكعم المخبوز مع التين اضافه الى الزيتون والزعتر
الكعك كان حاااار ووايد لذيذ
شي ثاني حبيته وينحسب لهم .. طلبنا عصير ليمون ونعناع و شراب الجلاب وكانت طريقة تقديمهم وكمية العصاير سخيه وايد و الشكل ولا اروع
شوربة العدس
صج ان شكلها ما حبيته اقصد اللون لأنه يستخدمون العدس البني ويطحنونه لكن طعمها كويَس
المقبلات من الاطباق اللبنانية المحبوبة والكل ينطرها وهذا كان حالنا بانتظار الحمص والمتبل وربعهم 🙂
سلطة البطاط .. ما ذقتها بس صديقتي وايد مدحتها
فتوش بدبس الرمان عجيب
ورق العنب كان جيد
رقاقات الحلوم المشوية .. زينه
بطاطا حره .. لذيذة وحاره
الاطباق الرئيسيه كانت مشاوي مشكله
انا وايد استانست على التكا وشيش الطاووق
قريدس .. صديقتي استانست عليه ومدحته
ساندويتش شاورما لحم ودياي
وبعد هالوجبة اللذيذة خذينا بريك وقعدنا نسولف لأنه ورانا حلوو وقهوه
وكان الاختيار على كافيه لاتيه وكابتشينو وقهوه تركية
بسكوت بالجوكليت وايد عجيب ذكرني بويليم كيك
كيكة بالعسل خطيرررررة
كيكه بالجوكليت بعد لذيذة
ستاف زهر الليمون
وفوق هذا كانوا قمة الذوق واهدوني جار كوكيز البرتقال واااااايد لذيذ ولما سألتهم اذا في ناس حابه تشتري منه قالولي لازم اوردر قبلها بجم يوم
شكراً لمطعم زهر الليمون والاخ روني والاخ محمد والستاف الحبوبين على الدعوه وكرم الضيافه والاكل اللذيذ
بالنسبه لي حسيت بتغيير فعلاً في جودة الاكل واكيد بيكون لي عودة ان شاء الله
Zahr El Laymoun Located in Avenues, Phase 1, 1st floor, next to Crimson Garden restaurant
تسلم ايدج ع البوست وبالعافية يارب بس بغيت اسالج شنو اهوا شراب الجلاب يعنييييي شنو طعمه من شنو يتكون لان الشكل والاسم خلى الفضول يشتغل وشكرا ^_*
الله يسلمج ويعافيج حبيبتي
الجلاب هو عصير مثل التمر او العرق سوس ماني عارفة بالضبط بس شي لذيذ لازم تجربينه
أنا بالنسبة لي أحب أكلهم وايد و عندي متبلهم أحلى متبل في الكويت… فيه طعم الشوي… حتى عصير الليمون حلو و الكعكات الصغار يونسون مو نفس باجي المطاعم اللبنانية اللي المنيو كوبي بيست
عليكم بألف عافية
اي صح كلامج عندهم اطباق خاصة فيهم
الله يعافيج حياتي
يوعتنيني يا طيوبة من الصبح ضروري اروحلة ان شالله نفس حزتج احلي جزة مافيها زحمة ولوية
ةعليج بالعافيه
الله يعافيج وبالعافية مقدما حبوبة
روعه
أنا جربت فرعهم الي 360 وكانت تجربة فاشلة ..
الأطباق حلوة أشكالهم بس الطعم استغفر الله فاشل بمعنى الكلمة ..
وبنسبة للعصير ترى اوكي الكمية راهية بس كل شي بسعره العصير على 5 دنانير مع ان كل المطاعم ب 1 وشي وتكون الكمية المعتادة الي تكفي شخص واحد ..
انا نوهت بأن تجربتي الاولى ماكانت زينه لكن للامانه وانا ما احب اكتب شي الا مقتنعه فيه كان الاكل عجيب خصوصا المشويات والمقبلات
اما العصاير بأنا رحت مره ثانية بالعكس ماكان بخمسة اعتقد بدينارين او شي جذي لأني ما اقط 5 على عصير مستحيل
Comments are closed.