رحلة في باص !! وين ؟ مو بالمتوسطة ولا الثانوية ؟
شركة زين سوَت لنا رحلة ظريفة الى برج الحمرا لأخذ جولة في فرعهم اليديد اللي سيتم افتتاحه الشهر القادم ان شاء الله
وبعدها نصعد الروف ونطلع كاميراتنا لتصوير مدينة الكويت من اعالي برج الحمرا 🙂
التجمع كان في مقر شركة زين الرئيسي وتحديداً في زين كافيه وبعد ما اكتمل العدد ركبنا الباص 🙂
ونااااسه خبري بالباص ايام الثانوية 🙂
الاخ محمد المهيني كان مرشدنا السياحي واستاذ جولتنا 😀
وزعوا علينا سناك يونَس ساندويتش ميني من اوبرا وبطاط نايس وككاو كيت كات وسمارتيز وحلو تاك من دايت كير واخيراً كوكيز هاند ميد مسويته العزيزة سوسن (موظفة في شركة زين) تسلم ايدج :*
وبالباص كانوا مضبطين الدي جي شغل عدل و(دريولنا عاش عاش)
وسوولنا مسابقتين الاولى كانت وجود 100 فلس في احد بوكسات السناك ولقوها جابتر كويت وكانت لهم جائزة
والمسابقة الثانية كانت عباره عن اسئلة عن برج الحمرا وشركة زين واحم احم انا فزت 😀
وصلنا برج الحمرا 🙂
Zain’s Luxury Branch
وصلنا فرع زين في برج الحمرا واستقبلنا السيد مشعل الشرهان مدير الفرع ويعطيه العافية شرح لنا كل شي عن الفرع اليديد ويوم الافتتاح بيكون 1/5/2012
الفرع وايد مرتب وفخم مع انه ليلحين ما اكتمل 100% وفي شاشات راح تكون موجودة لأول مره في الكويت اضافه الى وجود مرافق جديدة بالفرع ستتوفر في باقي فروع زين قريباً
وصار وقت التصوير والصعود للقمه
الاصانصير ذكرني باللي ركبناه في برج خليفه نفس السرعه وشاشة الترحيب وصورة البرج
هالطابق راح يكون فيه كافيه
هالجهة كانت مطلع على البحر 🙂 يا زين الكويت .. ترى الجامات مغبره مو كاميرتي 😛
وبعد صعووود السلالم وصلنا المكان السري في الروف .. وطاحووله تجكجك والشمس حااااااااااره لكن المنظر عجيب
الكويت من برج الحمرا
شكراً زين على هالرحلة الحلوة دايماً سباقين في الاشياء اللي توَنس ومبروك افتتاح الفرع اليديد مقدماً 🙂
Nice pics!
Thank u 🙂
7asafa … kint mitwa8i3 t7i6een 9oorat 7amam siba7a bait baba jaber 😛 #Junky
لووول لا ماحطيته
ماشاللله خوش جوله سياحية
ماشالله عليكم اقولج ما خفتي من ارتفاع وانتي تطلين شكله التصوير عجيب ماشاللله
وشكله برج الحمراء شي شي راقي بالكويت عقب الصالحية
بس للحين ما فتح كله للا يمكن جم محل مو صح
اي والله وناسة .. لا ما اخاف 🙂
اي والله بيصير وايد كلاس .. الحين اللي فاتح بس هيرمس بوتيك
its was really fun hahah o @junky min9ik enta ? haha 3ashan mo bas nroo7 feeha its a private home o la mal baba jaber ba3ad allah yer7ama ,haha ;p ….
looool embade3 hal walad 😛
I missed the bus ride 🙁 Great pics. Might steal some 😛
حلالج حبيبتي وصج الباص ونااااسه طافج
مبين ونااساااا ماشالله صورج بالمناظر طالعة رووعه وخوش مكان والله برج الحمرا باين عليه شي مو شوية ماشالله ومبروك زين الفرع اليديد
تسلمين حبيبتي انتي الاروع
w0w…all pics are very nice =)
Thankx f0r sharing with =)
Congratulations opening of new branch
I wish you continued success
Comments are closed.