حبيبتي دندرمة خاطرها بكوكتيل أول بوطبقات الظاهر شايفته في واحد من بوستاتي ونفسها في كوكتيل محظوظة ومبروكة 😛
وبما انه كنا قراب من بنيد القار تذكرت انه في مطعم لبناني يديد اسمه (السـاحة) فقلت خوش اكيد فيه الكوكتيل العجيب
وصلنا وكان المكان زحمه مشاء الله
المكان اينن الديكور شامي بحت ضيعه كامله على شكل مطعم بممراتها وصالاتها واقسامها .. القريه اللبنانية بأحجارها وتفاصيلها بتلقونها بمطعم الساحه
المكان اينن للتصوير ونقطه حبيت اذكرها مهمه جداً انهم من اول ما قلتلهم بصور قالولي مكانج واعملي اللي بدك اياه .. شكراً على الرقي بالتعامل حتى من غير سؤال من انتي علشان بتصورين
كان بخاطري المكان يكون فاضي علشان احوووس مع كامرتي اجكجك بس كان وايد عوايل وما حبيت اضايق الناس
هواة التصوير انصحكم في هالمكان 🙂
الطابق العلوي ليلحين مافتحوه
وصار وقت المنيو والطلبات
الضيافه ترمس 🙂
في اي مطعم شامي يقدمون الخبز الفريش المنتفخ لكن في الساحه عندهم نوعين هالخبز وخبز تنور .. تخيلوا حمص وخبز تنور يم يم
واخيراً وصل كوكتيل دندرمة .. استانستي ؟ 😀
وطلباتنا بدت توصل واولهم الفتوش .. وايد لذيذ بخلطته وحموضته
حمص بيروتي .. ممتاز
بطاطا حره كانت جيدة مع انها حاااره فيها فلفل بس افتقدت ذرات الفلفل الاحمر اللي تزين البطاطا الحره
تكا لحم كانت عجيبة
المطعم وايد لذيذ وقعدته حلوة انصحكم فيه
Assaha Located in Bnaid alGar, Gulf Road
Tel : 22533377 – 88
عليج بالعافية اي صوب بالضبط في بيندر القار يشوق ضروري لي تجربة معاه
الله يعافيج حبيبتي .. اهو يصير يم فدركرز اليديد مجابل البحر بنفس الشارع اللي فيه كافيه بزه تقريبا اذا ماني غلطانه
7yati wallah you took me :* khoosh ga3da kanat yabeela roo7a thaniya for extensive ta9weer…
اي والله يبيله ان شاء الله استانسنا ذاك اليوم 🙂
بنوكه يعطيج العافيه بس وين ببنيدر قار؟؟ يم شنو مثلا؟؟
الله يعافيج حبيبتي .. يم فدركرز اليديد على البحر
3aleikom bil 3afya 🙂
bs 7abait a3ref wut abt el as3ar? ma3qool wala high?
الله يعافيج .. اسعارهم وايد زينه
عليج بالعافيه بنوووكه توني أفطن حق البوست الحلوو
حبيت المطعم .. وأكلهم فعلا لذيذ ونظيف .. بس مثل ما قلتي للحين القعدة اللي فوق للحين ما تبطلت
على حسب ما قالولنا للحين ما انفتح المطعم بشكل رسمي ..
لما كنا بلبنان قبل 3 سنين تقريبا رحنا فرعهم اللي ببيروت وقالولنا ان فرع الكويت بيتبطل يوم 10 10 2010 بس الظاهر صار فيه تأخير وما افتحوه إلا توه
نفس تصميم فرعهم اللي ببيروت بس هذاك على أكبر وااااايد
الله يعافيج حبيبتي
ما رحت لبنان ولا مره فما اعرفه 🙁 انا مريته من اول على اساس بتغدى وكانوا مو فاتحين الا حق العشا بس الحين فاتحين غدا وعشا
Comments are closed.