Review : Yoforia Frozen Yogurt

هو آخر مكان فتح بالكويت للفروزن يوقرت Yoforia

ادري الاماكن اللي فتحت للفروزن يوقرت وايد بس المميز في يوفوريا ان عندهم 12 نوع مختلف والاحلى الخدمه الذاتيه 🙂

اول مادخلت كانوا حاطين شاشة عليها التعليمات .. اول شي لازم تعقمون ايدكم بالسائل الخاص وبعدها تختارون بين الكب او الكون

لا تخافون من حجم الكب لأنه في يوفوريا ما يحاسبون على الحجم مثل البقية لكن الحساب على حسب وزن كمية اليوقرت والتوبينق

مكاين اليوقرت جاهزة لتجربتكم 🙂 ومنو ما يستانس يستخدم هالشي هالمكاين بنفسه حلم الطفولة تحقق 😛

يقدمون حالياً 12 نوع من الفروزن يوقرت

Vanilla bean, Dark chocolate, Pistachio, Ferrero rocher, Saffron, Blue Berry, Pineapple, Raspberry, Mango, Vimto, Orginal & Pomegranate

بنت اختي ذاقت الفيريرو روشيه وقالتلي حلو

وعلشان ادري فيها تبي تجرب المكينه وانا خاطري اجرب بعض الانواع خذينا كب ورحنا للمكاين 🙂

خذيت ميكس حلو فريرو روشيه, دارك جوكليت, زعفران, فانيلا وفستق

التوبينق عندهم متنوع من فاكهه طازجة وجوكليت ومكسرات وغيرها

وعندهم ايضاً 6 انواع من الصوص .. دارك جوكليت, عسل, كراميل, رازبيري, فراولة, جوكليت البندق

وبعد الوزن طلع حسابنا 3,200 دك

اليوقرت وايد حلو استانست عليه وحبيت كل الانواع اللي جربتهم وان شاء الله بجرب الانواع الياية المره الياية 🙂

Thank You Lovely Lisa and the friendly staff of Yoforia 😀

Yoforia Located in Mishref, Food Circle

Twitter @yoforiakw