اختارت ادارة ستاربكس ان تقيم ملتقى خاص للمدونين لتعريفهم بالقهوه الجديدة
بمكان مو مألوف للعامه فقط العاملين في ستاربكس 🙂 Blond Roast Coffee
مكان التجمع كان في غرفة التدريب داخل شركة الشايع بمقرها الرئيسي
المكان بالضبط عباره عن كافيه ستاربكس صغير لكن بصبوره بيضا للشرح
بعد الترحيب وشوية شرح عن قهوة ستاربكس وكيفية تذوق القهوه تذوق صحيح تم توزيع قهوتهم الجديدة لتذوقها
انا بصراحه ما احب القهوه الاسبريسو والامريكية احس اتعب منها وما اتحمل مذاقها احب القهوه اللي يدخل فيها الحليب اكثر مثل الفرنسية واكابتشينو والاتيه وهالسوالف
لكن لما جربت قهوتهم الشقرا اليديدة كانت وايد اخف من الباقي وقدرت اتحملها 🙂
بعدها تم تقسيمنا الى فريقين واول شي سويناه صرنا خلف مكينة القهوه
قالولنا انهم غيروا الاكواب وصارت شبه مدوره و خلونا نشوف الاحجام الاربعه الموجوده
حتى الابريق او الكوب اللي يسوون فيه القهوه كان يكفي اكثر من كوب لكن الحين الموظف ما يقدر يسوي اكثر من مشروب في وقت واحد بالابريق الجديد وهالشي يخلي الزبون يتمتع اكثر بطعم القهوه
والشي اليديد عندهم بعد ان الحين القهوه بتصير شوي اثقل ويقدرون يسوون فيها اشكال على السطح مثل قلب الحب وورقة الشجر والنقطعه
والشي الحلو بالموضوع انهم عطونا فرصه نلبس المريلة الخضرا ونسوي لاتيه بالطريقة اليديدة 🙂
في غرفة او اقدر اقول مختبر الاروما كانت طاولة كبيره تنطرنا مقسمه الى 3 اقسام كل قسم يمثل منطقة لنوع من القهوه
لكن قبل تعريفهم بأنواع القهوه خلونا ناكل حبة جيلي بين علشان تنقي الرائحه ونقدر نشم القهوه بشكل احد
انواع القهوة الثلاث آسيا التي تعتبر من اقوى الانواع ويميل طعمها الى البهارات, قهوة امريكا الاتينية ومتعتبر متوسطة وطعمها يميل الى المكسرات اما القهوة الافريقية /العربية فتعتبر الاخف ويميل طعمها الى الحمضيات
Thank you Starbucks team, Mr. Matthew, Ms. Kerry, Ms. Rana, Ms. Rawan, and Mr. Faisal for the invitation, i loved my experience of making my own drink with the green apron that i love to see every day when i pick up my drink 🙂 u made my day 😀
وناسة عجيب الافنت للعشاق القهوة في ستاربكس انا نفسج ما احبها وايد
واللحين بعد اضافة الخلطات شنو حبيت اكثر من خلال تذوقج لها
موفقة ان شالله ،،،،،،،،،،،،، للا بسالج الصبغج شنو ماركته الرمادي
مو صبغي والله مصورة وحده من البنات 🙂
ستار بكس يحتاج شي واحد بس ومهم جداا
الي ياخذون الطلب كلهم وبكل الفروع مادري شسالفتهم صمخان ولا شنوو..؟ الكل يشتكي منهم رفيجاتي واهلي لوووول
اطلب شوكلاته ساخنه تسمعها مااي ؟؟ بله شلون هاذي؟
وكل زياره لي اطلع وانا معصبه او متضايقه جد ينرفزون :p
ياريت يتحسن هالشي فيهم بدال ما يبتكرون اشياء يديده وشكرا
رووعه فكرتهم ستار بوكس ,,
وياليت يكون في بالرياض زي الكويت
واسوي تقرير لهم ,,
ليش لا اذا الشركة وحده 🙂
Comments are closed.