من مطاعم الساندويتش المشهورة بأمريكا وهذا اول فرع يفتح بالكويت Blimpie
وفي فرع ثاني راح يفتح قريب في 360 مول
🙂 اليوم غداي كان متأخر وقلت اعطي المطعم تجربة
المطعم صغير وملموم وفيه جم كرسي لوجبة سريعه واللي حبيته انه المطعم بروحه بالمكان حق التيك اوي وايد تمام وسريع
قبل لا اقولكم شنو نظام المطعم شرايكم نشوف خلف الكواليس .. المطبخ الصغير التابع للمطعم اول مادخلت كانت يميني مغسلة وعليها تعليمات النظافة والمطبخ مشاء الله يلق نظيـــف وكل شي مرتب ومكانه
هالعلبة يستخدمونها لوجبة الكاترينج او على قولة رودريغو وجبة الديوانية واليمعات 🙂
منيو الساندويتش
والحين صار وقت اطلب غداي
اول شي نختار نوع الخبز من بين 7 انواع مختلفة
ونحدد نبي الساندويتش 12 انش او 6 انش
اخترت 6 انش لخبز الشيدر والجلابينو
كل انواع الخبز تخبز يومياً في بلمبي
وبعد اختياري لمكونات الساندويتش يتم تقطيع المحتويات مثل الاجبان واللحوم الباردة على حسب الحجم اللي يختاره الزبون
اختياري كان للتيركي
وهني يكون لبلمبي لمستهم الصحيه في الساندويتش ويحطون فيها الطماط الخس البصل رشة من زيت الزيتون والخل اضافه الى الاوريجانو .. وطبعاً يسألون الزبون اذا يحب هالشي او لا
وبعدها اختيار الدريسنج في الساندويتش
يم يم شكلها كان مغري
وزهبولي رولات السلامي والديك الرومي لسلطة السيسيليان واهي عباره عن سلطة خضرا مع رولات تتكون من ديك رومي مدخن وسلامي والجين
عندهم انواع مختلفه من الكوكيز
وهذي وجبتي وصلت 🙂
وااايد حبيته الخبز فريش وفيه لسعة حارة خفيفة من الجلابينو والحشوة جداً لذيذة .. السلطة راهيه والرولز عجيبين .. الكوكيز بالجوكليت والجوز حلوه بس وايد حاااليه ماحبيتها وايد بس الناس اذواق لأن صديقتي عجبتها وايد
ستاف بلمبي الكويت 😀
خدمة التوصيل مقتصره على ميدان حولي وستتوفر الخدمة قريباً لباقي المناطق
شكراً لبلمبي على الضيافه المميزة والغداء السريع اللذيذ 🙂
BLIMPIE Located in Maidan Hawally
Tel : 65797114 – 65922588
لا لا مو وقته كلش :'(
مو متعشيه وامي مسافره منو بيطبخ لي 🙁
ذنبي برقبتج 😛
عليييج بألف عآفيه يـآرب
لوول توست وجبن احلى شي ترى
والله يعافيج حبيبتي
بالعافيه
اي صوب بـ ميدان حولي بالضبط ؟
الله يعافيج
تعرفين دوار المدرسة اللي صوب حديقة الشعب تروحين الشارع اللي مجابل البوابة وتكملين سيده اييج دوار صغير تاخذينه يسار وبتشوفين بلمبي
looks delicious !!
it is 🙂
مشاللللللللللله يبيله تجربة بس وين بالضبط في ميدان حولي
ونفسس طريقة صبوي بس هذا شكله الذ مو صح
اي نفس طريقة صب واي
مادري شلون اشرح لج بس تعرفين دوار المدرسة اللي صوب حديقة الشعب تروحين الشارع اللي مجابل البوابة وتكملين سيده اييج دوار صغير تاخذينه يسار وبتشوفين بلمبي
I have tried it, exactly the same concept as Subway, but subways bread is way more fresh and easy to eat.
i like the bread i ordered it was so freshy
The BEST!!!!!!!!
Good taste experience.Sure will come back again.
كان احلى مطعم مبطل بكافتيريا كلية الاداب ايام كنت طالبة بال2008 تقريبا.. احلى وانظف ساندويشات بس صكروه و بطلو بداله صبواي .. بنظري بلمبي الذذذذذ وايد من صبواي ومكوناته فرررش اكثر
ee 7atta ana athker eb kolyat eladab awl ma eft7ooh chan at5rj 😛 3ad kan b5a6ree ajrba 😛 zain they re-opened it 😛
now u can try it 🙂
بصراحه وايد لذيذ ويستاهل التجربة 🙂
شكله لذيذ بس ذكرني بنظام صبوي
اي نفس الطريقة
الله يعطيج العافية ع هالمجهود الواضح
الله يعافيج حبي
Comments are closed.