Review : Zafran Indian Contemporary Cuisine

المطبخ الهندي من المطابخ اللي لها سمعه وعشاق كثار في العالم وخاصه بالكويت يمكن لأنه فيه شوي تقارب من المطبخ الكويتي خصوصاً بالعيوش .. بالنسبه لي احب الاكل الهندي وايد بس مو بكميه الفلفل اللي يحبونها الهنوود لوول يعني غالباً اطلب اكلي بدون سبايس لأنه النكهات اللي يضيفونها على اكلهم اساسا فيها فلفل

Bloggers food tasting event وصلتني دعوه من مطعم زفران ل
وحبيت طريقتهم في شرح كل اللي راح يصير في الايفنت بالايميل شغل مرتب كمره اولى يقيمون فيها مثل هالتجمع

هذي المره الاولى اللي ازور فيها مطعم زفران كونه من المطاعم الهندية اليديدة اللي فتحت بالكويت وله فروع بدول اخرى

المكان مرتب حبيت ديكوره والوانه وطريقة تصميم الكباين العائلية

قدوا لنا اول شي فوط الماي الساخنه

وبعدها المشروبات الباردة بأنواع 3 كانت الرقي, البيري والروز

المنيوو

وكعادة المطاعم الهندية الضيافه بسلة الخبز اللذيذ مع الصلصات

وبدا الشيف يشرح لنا عن الاكلات اللي راح يتم تقديمها

Dahi Bhalla اول طبق كان اسمه

عباره عن عدس ابيض مع الروب والتمر الهندي

مادري حسيت طعمه يشبهه كبه باللبن

المفروض يتم تقديم شوربه سي فود لكن لأني مو ذاك الزود مع هالنوع يابولي شوربه دياي وحبيت طريقتهم الغريبة بتقديم الشوربة

اول شي حطولنا قطع الدياي في الكوب وبعدين صبوا عليها الشوربة

الشوربة مووووو صج وايد وايد لذيذة

Trio هالطبق اسمه

وفيه 3 انواع مختلفة من الكباب

Limbu Jhinga – Tawa Champ – Dahi Kebab

Khasta Murgh

عباره عن جيكن تكا مسالا باي وايد لذيذة بس كانت شوي سبايسي

اللي طاف كان كله مقبلات عطونا بعدها هالعصير علشان الطعم يتغير ونبدي بالاطباق الرئيسية

والاطباق كانت

Chettinad Prawns – Chicken Biryani – Malai Kofta – Palak Bhutani – Dal Bakhari – Raita

هالطبق عباره عن سبانخ .. اول مره اجرب السبانخ جذي وايد لذيذة

وهذي كور من الجبن الريكوتا بصلصة وايد ناطعه

هالطبق فيه ربيان ماجربته

انا مو من النوع اللي يحب البرياني بس بريانيهم كان جدا جدا طيب

وصار وقت الحلويات الهندية

Saffron Kolfi, Gulab Jamun & Bhapa doi

الجلاب جامون عندهم حلو بس انا اصلا مو ذاك الزود معاه فلا تاخذون برايي

الدوي لذيذ حبيته عباره عن حلو باليوقرت

اما الكولفي عباره عن ايس كريم هندي بالزعفران حده حده حده لذيذ وتدرون وانا اكله طعمه ذكرني بالألبه الكويتية بس مثلجه

نصيحه جربوه عندهم بيعجبكم 🙂

الختام مع القهوه الفرنسية

وهذي صورة للشيف والعاملين في المطعم

كل الشكر لمطعم زفران على الدعوه والاكل الطيب والهدية الجميلة

Mr. Vinoth Kumar (Restaurant Manager) Mrs. Stacy Lobo (Account Manager at Asdaa) Mrs. Nadin Al Alami (Country Manager at Asdaa) Nice meeting you all and we really enjoy our visit 🙂

Zafran Located in Salmiya, Salem Almubarak St, 1st floor, Centrepoint

Tel : 25750647