من زمااان خبري بالسبا والتدلع والاسترخاء .. امس كنت ماره مستشفى السلام ازور صديقه لي
وانا طالعه جان اشوف اعلان ميد سبا
وكان عندي وقت فقلت اشوف اذا اكو حجز ادخل
قعدت وعطوني المنيو ضيفوني بالجاي الاخضر لما نقيت نوع السبا اللي ابيه
اخترت برنامج اشترخائي بالزيوت الطبيعية لمدة ساعه وقيمته 22 دك
وخذوا مني بياناتي الشخصية واذا مسوية عمليه او عندي حساسية او مريضه بعدين دخلت داخل كانت الاضاءه خافته مثل كل اماكن السبا لكن توقعت انه يكون اكشخ وايد كونه في مستشفى خاص
الارواب ماحبيتهم قديمين !! والسليبرز جنهم ملوت حمام السواق 🙁
اول شي غسلت ريولي بماي وورد ونشفتهم
وبعدين بدت بالمساج .. كمساج وايد عجبني واللي مسكتني اسمها بانانا تايلندية وشاطره بس الله يهديها زادت معيار المساج صوب جتوفي وليلحين يعوروني
يقدمون خدمات كثيره اخرى مثل السنفره والتبييض وعنايه للشعر وعناية بالقدمين وعناية بالحامل اضافه للعناية الملكية للعروس وبرامج التخسيس
Med Spa Located in Al Salam Hospital, Bnaid Al Gar
Tel : 22529001
Site Link
وناسسسسسسسسسسسسسسسسسسسسسة عليج بالعافية بنوكة
صج الواحد لازم ياخذ وقت للاستجمام والسبا بما اننا كل يوم نقوم بنفس الشغل الروتيني
الله يعافيج حبيبتي
Comments are closed.